175 மில்லியன் சாதனையைக் கடந்த கேஜிஎப் 2 டீசர்

பிரஷாந்த் நீல் இயக்கத்தில் யாஷ் கதாநாயகனாக நடிக்கும் கேஜிஎப் 2 படத்தின் டீசர் கடந்த ஜனவரி மாதம் யூ டியூபில் வெளியாகி புதிய சாதனையைப் படைத்தது. அதற்கு முந்தைய பல இந்திய சாதனைகளை முறியடித்தது.

தற்போது இந்த டீசர் 175 மில்லியன் பார்வைகளைப் பெற்று உலக அளவில் நம்பர் 1 இடத்தைப் பிடித்த டீசர் என்ற பெருமையைப் பெற்றுள்ளது. இதற்கு முன்பு 2019ம் ஆண்டு வெளிவந்த முலன் படத்தின் டீசர் 175 மில்லியன் பெற்றதுதான் சாதனையாக இருந்தது. அந்த சாதனையைத் தற்போது கேஜிஎப் 2 டீசர் முறியடித்துள்ளது.