கர்ணன் டீசர் - 5 வினாடிகளுக்கே தேசிய விருது சொல்லும் ரசிகர்கள்

பரியேறும் பெருமாள் படத்தை இயக்கிய மாரி செல்வராஜ் இயக்கத்தில் தனுஷ், ரெஜிஷா விஜயன், லால், யோகிபாபு, நட்டி மற்றும் பலர் நடிக்கும் கர்ணன் படத்தின் டீசர் நேற்று யு டியூபில் வெளியிடப்பட்டது.

2 நிமிடம் ஓடும் டீசரில் தனுஷ் மொத்தமாகவே 5 வினாடிகள் தான் காட்டப்படுகிறார். கையில் நீண்ட வாளுடன், ஒரு குதிரை மீது அமர்ந்து அவர் வரும் காட்சி ஐந்தே ஐந்து வினாடிகள் தான் இடம் பெற்றுள்ளது. அதற்கே தனுஷ் ரசிகர்கள் மீண்டும் ஒரு தேசிய விருது பார்சல் என கமெண்ட் கொடுக்க ஆரம்பித்துவிட்டார்கள்.

“அடுத்த தேசிய விருதும் இந்தப் படத்திற்கு உண்டு என ஒருவர் போட்ட கமெண்ட்டை மட்டும் 13 ஆயிரம் பேர் லைக் செய்துள்ளனர். தனுஷுக்கு அடுத்த தேசிய விருது, அசுரன் போல கர்ணனும் தேசிய விருது பெறும், எப்பே, கர்ணா ஒரு விருதையும் விடாதப்பா, அடிச்சி நொறுக்குப்பா, அடுத்த தேசிய விருது ஒண்ணு பார்சல், என ரசிகர்கள் பலரின் கமெண்ட்டுகளிலும் தேசிய விருதுதான் அதிகம் இடம் பிடித்துள்ளது.

38 லட்சம் பார்வைகளுடன் யு டியூப் டிரெண்டிங்கில் முதலிடத்தில் உள்ளது கர்ணன் டீசர்.