ஹாலிவுட் படத்திற்காக குரல் கொடுத்த துல்கர்-விஜய் தேவரகொண்டா
ADDED : 1510 days ago
குழந்தைகளை பெரிதும் கவர்ந்த காட்ஸில்லா மற்றும் காங் பட வரிசையில் கடந்த 2019ல் வெளியான 'காட்ஸில்லா ; கிங் ஆப் மான்ஸ்டர்ஸ் படத்தை அடுத்ததாக 'காட்ஸில்லா வெர்சஸ் காங்' என்கிற படம் கடந்த மார்ச் மாதம் வெளியானது. இந்தப்படம் இந்தியாவிலும் தியேட்டர்களில் வெளியான சமயத்தில் தான் கொரோனா இரண்டாவது அலை தீவிரமானதால், ஒரு குறிப்பிட்ட நாட்களே தியேட்டர்களில் இந்தப்படம் ஓடியது.
இதை தொடர்ந்து தற்போது அமேசான் பிரைம் நிறுவனம் இந்தப்படத்தை தெலுங்கு மற்றும் தமிழ் என இரு மொழிகளில் மொழி மாற்றம் செய்து வெளியிட உள்ளது. இதில் தமிழுக்கான முன்கதை சுருக்கத்திற்கு துல்கர் சல்மானும் தெலுங்கிற்கான முன்கதை சுருக்கத்திற்கு விஜய் தேவரகொண்டாவும் டப்பிங் பேசியுள்ளனர். இவர்கள் தங்கள் குரலில் கதை சொல்லும் ட்ரெய்லர் வீடியோவை தற்போது அமேசான் பிரைம் நிறுவனம் வெளியிட்டுள்ளது.