கோல்டன் விசாவை நேரில் பெற்ற மோகன்லால்-மம்முட்டி

துபாய், அபுதாபி, ஷார்ஜா உள்ளிட்ட ஏழு நகரங்களை ஒன்றிணைத்துள்ள ஐக்கிய அரபு அமீரக அரசு, கடந்த 2019ஆம் ஆண்டில் தங்களது ஆளுகைக்கு உட்பட்ட நகரங்களில் நீண்ட நாட்கள் தங்கி வேலை பார்க்கவும், வசிக்கவும் கோல்டன் விசா வழங்கும் திட்டத்தை அறிமுகப்படுத்தின. இப்படிப்பட்ட ஒரு சிறப்பு சலுகையை ஒவ்வொரு குறிப்பிட்ட துறையில் சாதித்த வெகு சிலருக்கு மட்டுமே வழங்கி வருகிறது ஐக்கிய அரபு அமீரக அரசு.

அந்தவகையில் கேரளாவின் அடையாளமாக திகழும் மலையாள முன்னணி நடிகர்களான மோகன்லால், மம்முட்டி இருவருக்கும் கோல்டன் விசா வழங்குவதாக சில நாட்களுக்கு முன் அறிவித்தது ஐக்கிய அரபு அமீரகம். இந்தநிலையில் மோகன்லால், மம்முட்டி இருவருமே துபாயில் நடைபெற்ற இந்த நிகழ்வில் நேரில் கலந்து கொண்டு தங்களுக்கான கோல்டன் விசாவை பெற்றுக் கொண்டனர்.