'விக்ரம்' படத்தில் இணைந்த நரேன்

லோகேஷ் கனகராஜ் இயக்கத்தில், கமல்ஹாசன், விஜய் சேதுபதி, பகத் பாசில் மற்றும் பலர் நடிக்கும் படம் 'விக்ரம்'. இப்படத்தின் படப்பிடிப்பு ஆரம்பமாகி நடைபெற்று வருகிறது. படத்தின் கதாநாயகியர் யார் என்பது குறித்து இதுவரை எந்தவிதமான அதிகாரப்பூர்வ அறிவிப்பும் வெளியாகவில்லை. விஜய் சேதுபதி ஜோடியாக ஷிவானி நடிக்கிறார் என்ற தகவல் மட்டும் வெளியாகி உள்ளது.

ஒரு முக்கிய கதாபாத்திரத்தில் நடிக்க 'சித்திரம் பேசுதடி' நரேன் இணைந்துள்ளார். இது குறித்து நரேன், “ஒரு ரசிகனின் கனவு நனவாகிறது. நான் நடிகராக யார் உத்வேகமாக இருந்தாரோ அவருடன் திரையைப் பகிர்ந்து கொள்கிறேன். இயக்குனர் லோகேஷ், ராஜ் கமல் பிலிம்ஸ் ஆகியோருக்கு நன்றி,” எனத் தெரிவித்துள்ளார்.

லோகேஷ் கனகராஜ் இயக்கிய 'கைதி' படத்தில் முக்கிய கதாபாத்திரத்தில் ஏறக்குறைய இரண்டாவது கதாநாயகனாக சிறந்த நடிப்பை வெளிப்படுத்தியவர் நரேன் என்பது குறிப்பிட வேண்டிய ஒன்று.