சந்தீப் கிஷனுக்கு ஜோடியானார் அடிபொலி புகழ் குஷி ரவி

கன்னடத்தில் வெளியான தியா படம் மூலம் ரசிகர்களுக்கு அறிமுகமானவர் நடிகை குஷி ரவி. தொடர்ந்து தமிழில் பட வாய்ப்புக்காக காத்திருந்த சமயத்தில் தான் அடிபொலி என்கிற வீடியோ ஆல்பத்தில் நடிக்கும் வாய்ப்பு வந்தது. மானே ஒமானே என்கிற அந்த பாடலில் அஸ்வினுடன் சேர்ந்து கலக்கலாக பெர்மான்ஸ் செய்த குஷி ரவி இங்கே தமிழ் ரசிகர்களின் மனதிலும் இடம்பிடித்து விட்டார்.

இந்தநிலையில் தெலுங்கில் இருந்து நடிகர் சந்தீப் கிஷனுக்கு ஜோடியாக நடிக்கும் வாய்ப்பு குஷி ரவியை தேடி வந்துள்ளது. இந்தப்படத்தின் படப்பிடிப்பு தற்போது ஐதராபாத்தில் நடைபெற்றுள்ளது. இதன்மூலம் தெலுங்கு திரையுலகில் அடியெடுத்து வைத்துள்ளார் குஷி ரவி.

இதுகுறித்து அவர் கூறும்போது, “புதிய ஊர், புதிய மொழி மற்றும் புதிய ஆரம்பம்.. ஆனால் அதே அன்பை உங்கள் அனைவரிடம் இருந்தும் எதிர்பார்க்கிறேன்” என கூறியுள்ளார் குஷி ரவி.