வரும் 26ல் சூரிய கிரகணம்: ஈரோட்டில் கோவில் நடையடைப்பு

ஈரோடு: சூரிய கிரகணத்தால், 26ல் கோவில் நடை அடைக்கப்படும் என, நிர்வாகம் அறிவித்
துள்ளது. வரும், 26ல் சூரிய கிரகணம், காலை, 7:30 மணிக்கு தொடங்கி, பகல், 12:00 மணி வரை நீடிக்கிறது.

இதனால், ஈரோடு கோட்டை ஆருத்ர கபாலீஸ்வரர் கோவிலில், பூஜை நேரம் மற்றப்
பட்டுள்ளது. அன்று அதிகாலை, 3:30 மணிக்கு நடை திறக்கப்பட்டு தனூர் மாத உஷத்கால பூஜை, 5:30 மணிக்கு கால சந்தி பூஜை செய்து, 6:30மணிக்கு கோவில் நடை அடைக்கப்படும்.

பிறகு பகல், 12:00 மணிக்கு திறக்கப்பட்டு, த்ரு கால சாந்தி பூஜை மற்றும் உச்சிகால பூஜை நடந்த பிறகு, நடை சாற்றப்பட்டு, வழக்கம் போல், மாலை, 4:30 மணிக்கு நடை திறக்கப்படும். கிரகணத்தையொட்டி கேட்டை, மூலம், பூராடம், அஸ்வினி, மகம் நட்சத்திரக்காரர்கள், விநாயகர் மற்றும் சூரிய பகவானுக்கு கோதுமை, கேது பகவானுக்கு கொள்ளு வைத்து, அர்ச்சனை செய்து, சாந்தி பரிகாரம் செய்து கொள்ள வேண்டுமென, கோவில் நிர்வாகம் தெரிவித்துள்ளது.