நாகராஜா கோயிலில் தை திருவிழா தொடக்கம்

நாகர்கோவில்: நாகர்கோவில் நாகராஜா கோயில் தை திருவிழா நேற்று காலை கொடியேற்றத்துடன் தொடங்கியது.

நாகரை மூலவராக கொண்ட அபூர்வ கோயில்களில் ஒன்று நாகர்கோவில் நாகராஜா கோயில். இங்குள்ள புற்று மண் பக்தர்களுக்கு பிரசாதமாக வழங்கப்படுகிறது. குழந்தை வரம் வேண்டி பெண்கள் இங்கு பால் ஊற்றி வழிபாடு நடத்துகின்றனர்.இங்கு தை திருவிழா நேற்று கொடியேற்றத்துடன் தொடங்கியது. பிப்., எட்டாம் தேதி காலை 7:30 மணிக்கு தேரோட்டம் நடக்கிறது. இரவு 9:30 மணிக்கு சப்தாவர்ணம் நடக்கிறது. ஒன்பதாம் தேதி இரவு 9:30 மணிக்கு ஆராட்டுடன் விழா நிறைவு பெறுகிறது.