ஒதியம்பட்டு கோவில் திருப்பணி துவக்கம்
ADDED :2129 days ago
புதுச்சேரி: ஒதியம்பட்டு முத்து மாரியம்மன் கோவிலில் ஒரு கோடி ரூபாய் மதிப்பில் திருப்பணிகள் துவங்கப்பட்டுள்ளது. வில்லியனுார் அடுத்த ஒதியம்பட்டு கிராமத்தில் முத்து மாரியம்மன் கோவில் அமைந்துள்ளது. இத்தலம் திருக்காசி சேத்திரம் என்று பத்தர்களால் அழைக்கப்படுகிறது. பழமை வாய்ந்த இக்கோவிலை விரிவாக்கம் செய்ய முடிவு செய்யப்பட்டுள்து.இதற்கான திருப்பணியை பொதுப்பணித் துறை அமைச்சர் நமச்சிவாயம் துவக்கி வைத்தார். முன்னதாக அம்மன் கருவறையில் இருந்து பால ஆலயத்திற்கு (பாலஸ்தாபனம்) எழுந்தளினார். நிகழ்ச்சியில் இந்து சமய நிறுவனங்கள் ஆணையர் சச்சிதானந்தம் உள்பட பலர் கலந்து கொண்டனர்.திருப்பணியின்படி கோவிலின் கருவறை மேற்கே 20 அடி இடமாற்றம் செய்யப்பட உள்ளது. கோவில் தாழ்ந்திருப்பதை மாற்றி 9 அடி உயரம் உயர்த்தி ராஜகோபுரம், முன் மண்டபம் என பல்வேறு திருப்பணிகள் ஒரு கோடி ரூபாய் மதிப்பீட்டில் செய்யப்பட உள்ளது.ஏற்பாடுகளை அறங்காவலர் குழுவினர், திருப்பணிக் குழுவினர், உற்சவதாரர்கள், ஊர் பொதுமக்கள் செய்து வருகின்றனர்.