மேலக்கிடாரம் இருளப்பசாமி கோயிலில் கும்பாபிஷேக விழா

சிக்கல்: சிக்கல் அருகே மேலக்கிடாரம் காமாட்சி அம்மன் கோயில் வளாகத்தில் உள்ள இருளப்ப சுவாமி கோயிலில் கும்பாபிஷேக விழா நடந்தது. கடந்த செப். 7 அன்று முதல் கால யாகசாலை பூஜையுடன் விழா துவங்கியது. கணபதி, லட்சுமி, நவக்கிரக ஹோமத்துடன், அனுக்ஞை விநாயகர் பூஜை துவங்கியது. இன்று காலை இரண்டாம் கால யாகசாலை பூஜைக்குப் பின்பு தீபாராதனை பூர்ணாகுதி நடந்தது. காலை 9: 45 மணியளவில் கோயில் விமான கலசத்தில் பட்டாச்சாரியார் புனித நீர் ஊற்றி கும்பாபிஷேகம் செய்தார். மூலவர் இருளப்பசாமிக்கு 16 வகையான சிறப்பு அபிஷேக ஆராதனைகள் நிறைவேற்றப்பட்டது. மலர் அலங்காரத்தில் பக்தர்களுக்கு அருள் பாலித்தார். அன்னதானம் நடந்தது. ஏற்பாடுகளை கோயில் விழா குழுவினர் செய்திருந்தனர்.