வித்யா கணபதிக்கு லட்சார்ச்சனை

புதுச்சேரி: செல்லபெருமாள்பேட்டை விவேகானந்தா மேல் நிலைப் பள்ளி வளாகத்தில் உள்ள வித்யா கணபதிக்கு 12ம் ஆண்டு ஏகதின லட்சார்ச்சனை நேற்று நடந்தது. இதையொட்டி நேற்று காலை 4 மணிக்கு அனுக்ஞை, விக்னேஸ்வர பூஜை, 5.30 மணிக்கு மகா கணபதி ஹோமம், மூலமந்திரம் மற்றும் காயத்திரி ஹோமம், தீபாராதனை நடந்தது. காலை ஏழு மணிக்கு மகா அபிஷேகம், மகா தீபாராதனை நடந்தது. காலை 8.30 ணிக்கு லட்சார்ச்சனை துவங்கியது. மாலை 7 மணிக்கு லட்சார்ச்சனை ஆரத்தி, மகாதீபாராதனை நடந்தன.பள்ளி தாளாளர் செல்வகணபதி, துணை முதல்வர் பத்மா, தலைமை ஆசிரியை கீதா, ஆசிரியைகள் தமிழ்ச்செல்வி, அங்காளபுவனேஸ்வரி, லோக்நாத் பெகரா, அருணாச்சலம், அய்யப்பன், மாணவ மாணவிகள் மற்றும் பெற்றோர்கள் பலர் கலந்து கொண்டனர்.