காசி விஸ்வநாதர் கோவிலில் குரு பெயர்ச்சி விழா
ADDED :946 days ago
காசி விஸ்வநாதர் கோவிலில் குரு பெயர்ச்சி விழா ஊட்டி: ஊட்டி காந்தள் காசிவிஸ்வநாதர் கோவிலில் குரு பெயர்ச்சி நிகழ்ச்சி நடந்தது. அதிகாலை, 4:00 மணிக்கு குரு பகவான் விருச்சிக ராசியில் இருந்து, தனுசுராசிக்கு பிரவேசித்து அருள்பாலித்தார். தொடர்ந்து, குருபகவானுக்கு சிறப்பு யாகபூஜைகள் நடந்தது. தொடர்ந்து, மடாதிபதி ஸ்ரீமத் சொக்கலிங்கத் தம்பிரான் முன்னிலையில், விக்னேஸ்வர பூஜை, கலச பூஜை, யாகபூஜை, அபிஷேகம், மகா தீபாராதனை நடந்தது. இதில், தனுசு, மகரம், மீனம், ரிஷபம், கடகம், கன்னி, மிதுனம் மற்றும் துலாம், ராசிகளின் பக்தர்கள் திரளாக பங்கேற்று சுவாமி தரிசனம் செய்தனர். ஏற்பாடுகளை தட்சிணாமூர்த்தி மடாலய அறங்காவலர் குழு, காசி விஸ்வநாத சுவாமிகள் சேவா சங்கம், ஆலய முன்னேற்ற சங்கம், மகளிர் குழுவினர் செய்திருந்தனர்.