எல்லாம் இருந்தும் சாப்பிடுறது தயிர்சாதம் தான்!

திருப்பதியில் சீனிவாசப்பெருமாளுக்கு தயாராகும் சமையலை, அவரது அம்மா வகுளவல்லி மேற்பார்வை செய்வதாக ஐதீகம். மடைப்பள்ளியில் வெண்பொங்கல், சர்க்கரைப்பொங்கல், தயிர்சாதம், புளியோதரை, கேசரிபாத், சர்க்கராபாத், ஜீரா பாயசம், மோளா, ஹோரா, கதம்பசாதம், பகாளாபாத், பருப்புவடை, பானகம், அப்பம், ஜிலேபி, மனோகரம், ஹோலிப்பூ, தேன்குழல், கயாபடி, வட்டப்படி, மாவுதோசை, நெய்தோசை, வெல்லதோசை, லட்டு ஆகிய உணவுவகைகள் தயாராகின்றன. இதில் மனோகரம் என்னும் லட்டு பக்தர்களுக்கு பிரசாதமாக வழங்கப்படுகிறது.  வகைவகையான தென்னிந்திய, வடஇந்திய பதார்த்தங்கள் மடைப்பள்ளியில் தயாரானாலும் பெருமாளுக்கு நிவேதனம் செய்வது தயிர்சாதம் மட்டும் தான். இதனை புதிய மண்பாண்டத்தில் வைத்து படைப்பர்.