பாலமேடு பத்ரகாளியம்மன், மாரியம்மன் கோயில் பொங்கல் விழா துவக்கம்

பாலமேடு; பாலமேடு இந்து நாடார்கள் உறவின்முறை சங்கத்திற்கு பாத்தியப்பட்ட பத்ரகாளியம்மன், மாரியம்மன் கோயில் பொங்கல் விழா கொடியேற்றத்துடன் துவங்கியது. முன்னதாக மார்ச்.,10ல் மாரியம்மனுக்கு சாட்டுதல் விழா, சிறப்பு அபிஷேகம், ஆராதனைகள் நடந்தன. நேற்று இரவு 7:00 மணிக்கு பத்திரகாளி அம்மனுக்கு சாட்டுதல் விழா, 8:30 மணிக்கு மாரியம்மன் கோயில் கொடிமரத்தில் திருவிழா கொடியேற்றப்பட்டது. பக்தர்கள் காப்பு கட்டி விரதம் துவங்கினர்.மார்ச்.,24 அம்மன் கண் திறப்பு, 25ல் அக்னிச்சட்டி, பால்குடம், 26ல் முளைப்பாரி ஊர்வலம் நடக்கிறது. ஏற்பாடுகளை உறவின்முறை சங்க நிர்வாகிகள் செய்து வருகின்றனர்.