காவனக்கோட்டை மாரியம்மன் கோயில் முளைப்பாரி விழா

ஆர்.எஸ்.மங்கலம்; ஆர்.எஸ்.மங்கலம் அருகே காவனகோட்டை ஜெக மாரியம்மன், பிடாரியம்மன் ஆலய 51 ஆம் ஆண்டு முளைப்பாரி விழா நடைபெற்றது. முன்னதாக விழாவை முன்னிட்டு வீடுகளில் வளர்க்கப்பட்ட முளைப்பாரிகளை பக்தர்கள் கோயிலில் வைத்து வழிபாடு செய்தனர். தொடர்ந்து கோயிலில் இருந்து ஊர்வலமாக எடுத்துச் சென்ற முளைப்பாரிகளை குளக்கரையில் கொட்டி வழிபாடு செய்தனர். முன்னதாக, விரதம் இருந்த பக்தர்கள் கோயிலின் முன்பு தீ மிதித்து நேர்த்திக்கடன் நிறைவேற்றினர். விழாவை முன்னிட்டு, இரவில் பெண்கள் கும்மியாட்டம் ஆடினர். விழா ஏற்பாடுகளை கிராமத்தினர் செய்திருந்தனர்.