காளஹஸ்தி சிவன் கோயிலில் ரஷ்ய பக்தர்கள்; தியானம் செய்து வழிபாடு

காளஹஸ்தி; திருப்பதி மாவட்டம் ஸ்ரீகாளஹஸ்தி சிவன் கோயிலுக்கு தினந்தோறும் பல ஆயிரக்கணக்கான பக்தர்கள் நாட்டின் பல்வேறு பகுதிகளில் இருந்து மட்டுமின்றி வெளிநாட்டு பக்தர்களும் சுவாமி தரிசனம் செய்யவும், கோயிலில் நடக்கும் ராகு கேது சர்ப்ப தோஷ நிவர்த்தி பூஜைகளில் பங்கேற்கவும் வருகின்றனர் இந்நிலையில் நேற்று ரஷ்ய நாட்டு பக்தர்கள் சுவாமி தரிசனம் செய்ய வந்தனர். அவர்கள் கோயிலின் கட்டுமான பணிகளை கண்டு வியந்தனர். மேலும் கோயிலுக்குள் சென்றவர்கள் நுணுக்கமாக செதுக்கப்பட்டுள்ள கற்ச் சிற்பங்களை கண்டு ரசித்தனர். பின்னர் காளஹஸ்தீஸ்வரரையும் ஞானப்பிரசுனாம்பிகை தாயாரையும் தரிசனம் செய்து, கோயில் வளாகத்தில் சற்று நேரம் தியானத்தில் ஈடுபட்டனர்.