விருத்தாசலம் மணிமுக்தாற்றில் மயானக்கொள்ளை திருவிழா விமரிசை

விருத்தாசலம்: விருத்தாசலம் மணிமுக்தாற்றில் அங்காள பரமேஸ்வரி கோவில் மயானக்கொள்ளை விழா நடந்தது.

விருத்தாசலம் சந்தைதோப்பு அங்காள பரமேஸ்வரி கோவிலில், மகா சிவராத்திரி உற்சவம், கடந்த 11ம் தேதி கொடியேற்றத்துடன் துவங்கியது. தினமும் அம்மனுக்கு சிறப்பு அபிஷேக ஆராதனை, இரவு சுவாமி வீதியுலா நடக்கிறது. முக்கிய நிகழ்வாக, கடந்த 15ம் தேதி ஐதீக நிகழ்ச்சி நடந்தது. நேற்று மாலை 5:00 மணிக்கு சுவாமிக்கு சிறப்பு அபிஷேகம் நடந்தது. சிறப்பு அலங்காரத்தில் அங்காளம்மன் எழுந்தருளி, மணிமுக்தாற்றில் மயானக்கொள்ளை திருவிழா விமரிசையாக, நடந்தது. பக்தர்களுக்கு எலுமிச்சை பழம் பிரசாதமாக வழங்கப்பட்டது. இரவு 7:00 மணியளவில் தாண்டவராய சுவாமி, அங்காளம்மன் திருக்கல்யாணம் நடந்தது.