மதுரை மீனாட்சி கோவிலில் நான்காம் கால யாகசாலை பூஜை விமர்சை

மதுரை; உலகப் பிரசித்தி பெற்ற அருள்மிகு மீனாட்சி சுந்தரேஸ்வரர் ஆலயத்தில் 17 ஆண்டுகளுக்குப் பிறகு 16ஆம் தேதி பரிவார மூர்த்திகளுக்கும் 17ஆம் தேதி கோவில் கோபுரங்களுக்கும் குடமுழுக்கு விழா வெகு விமர்சையாக நடைபெற உள்ள நிலையில்  இன்று காலை மங்கள இசை தொடர்ந்து நான்காம் கால யாகசாலை பூஜை நடைபெற்றது. அன்னை மீனாட்சி சுந்தரேஸ்வரர் யாக சாலை பூஜையில் எழுந்தருளி பக்தர்களுக்கு காட்சி அளித்து வரக்கூடிய நிலையில் மூலவர் தரிசனம் ரத்து செய்யப்பட்டுள்ளதால் ஏராளமான பக்தர்கள் மற்றும் பொதுமக்கள் தொடர்ந்து யாகசாலை பூஜைக்கு வருகை தந்து யாகசாலையை பார்த்து பக்தி பரவசம் அடைந்த நிலையில் அன்னை மீனாட்சி சுந்தரேஸ்வரரை வணங்கி விட்டு செல்கின்றனர்.