கோயில் நிலம் மீட்பு அரசியல் நாடகமா: ஆலய பாதுகாப்பு இயக்கம் கேள்வி

காரைக்குடி: தமிழகத்தில் கோயில் நிலங்களை மீட்பதாக சொல்லிவிட்டு ஹிந்து சமய அறநிலையத்துறை அரசியல் நாடகமாடுகிறதா, என ஹிந்து ஆலய பாதுகாப்பு இயக்க மாநில அமைப்பு செயலாளர் கிருஷ்ணராஜ் கேள்வி எழுப்பினார்.

காரைக்குடியில் அவரளித்த பேட்டி: பழனியில் ரூ.150 கோடி கோயில் சொத்துக்களை மீட்டதாக அரசு தெரிவிக்கிறது. ஆனால், இவ்வளவு பெரிய ஆக்கிரமிப்பின் பின்னணியில் இருக்கும் அரசியல் புள்ளிகள் யார் என்ற தகவலை அமைச்சர் வெளியிடவில்லை. திருச்சி ஸ்ரீரங்கம் கோயிலுக்கு சொந்தமான ரூ.50 கோடி நிலத்தை ஆக்கிரமித்து பட்டா போட்டவர் தி.மு.க.,வை சேர்ந்தவர் என்பதால் தான் உடனே அந்த விஷயத்தை வெளியிடுகின்றனர். கோயில் நில ஆக்கிரமிப்பு விவகாரத்தில் அரசு எடுக்கும் நடவடிக்கைகளை பார்த்தால் சுயலாபத்திற்காக செயல்படுவது போல் தெரிகிறது. கோயில் நிலங்களை மீட்பதாக சொல்லிவிட்டு ஹிந்து சமய அறநிலையத்துறை அரசியல் நாடகமாடுகிறதா. தேர்தலில் வெற்றி பெறவும், ஆட்சிக்கு நல்ல பெயர் கிடைக்க வேண்டும் என்ற நோக்கிலும் அரசு செயல்படுகிறது என்றார்.