கண்ணா இங்கே வா...வா..
ADDED :4471 days ago
கிருஷ்ண ஜெயந்தியன்று தன்னை அழைக்கும் பக்தர்களின் வீட்டிற்கு கண்ணன் வருவார் என்பது பக்தர்களின் நம்பிக்கை, எனவே கிருஷ்ண ஜெயந்தியன்று, வீட்டைச் சுத்தப்படுத்தி, அலங்கரித்து, குழந்தை கண்ணனை வர வேற்கும் விதத்தில், வீட்டு வாசலில் இருந்து பூஜை அறை வரையில், சின்னக்கண்ணன் நடந்து வருவது போல், அவனது பாதச்சுவடுகளை கீழே கொடுக்கப்பட்டுள்ள ஸ்ரீ கிருஷ்ணபாதம் கூறிக்கொண்டே மாக்கோலமிட்டு வரவேற்கலாம். இதனால், கண்ணனே நேரில் நம் வீட்டுக்கு எழுந்தருள்வதாக ஐதீகம். ஆயர்பாடியில் கண்ணனை வரவேற்க சித்திரகோலம் (ரங்கோலி), மலர் அலங்காரம், பூக்கோலம் இடுவர். அதை நமது இல்லங்களிலும் செய்து கிருஷ்ணரை வரவேற்க வேண்டும். இதனால் கண்ணனே தன் திருப்பாதங்களைப் பதித்து நடந்து வந்து, பூஜை அறையில் நாம் வைத்துள்ள நைவேத்திய பட்சணங்களை ஏற்றுக்கொள்கிறார் என்பதாகும்.
ஸ்ரீ கிருஷ்ண பாதம்
உலகினை அளந்திட்ட பாதம்!
உயிர்களுள் இழைந்திட்ட பாதம்!
அலர்மேலு அணைத்திட்ட பாதம்!
அணைத்துயிர் பிணைத்திட்ட பாதம்! புலர் காலை துயில் எழுப்ப புவியுயிர் மலரிட்ட பாதம்!
மலர் மங்கை ஆண்டா ளுமே மகிழ்வுடன் மனம் தொட்ட பாதம்!
கற்பகத் தருமலர் பாதம்!
கண்ணனின் சிறுமலர் பாதம்!
வற்றிடா அருள்மலர் பாதம்!
வண்ணனின் வளர் நிறை பாதம்!
பற்றிடும் பதமலர் பாதம்! பார்த்தனுக் கருளிய பாதம்!
சுற்றிடும் காந்தனின் பாதம்! சுகம் தரும் சாந்தனின் பாதம்!
தரையினிற் நடந்திட்ட பாதம்!
தமையுடன் கடந்திட்ட பாதம்!
மறையொலி உரைத்திட்டோன் பாதம்!
மனமொழி நிறைத்திட்டோன் பாதம்! இறைமொழி சுமந்திட்ட பாதம்!
இருவிழி அருளிட்டோன் பாதம்!
உரை சொல்லும் உன்னத பாதம்!
உயர்ந்திட்ட மன்னவ பாதம்!
ஆழிரேகை உயர்த்திட்ட பாதம்!
அகலிகையை உயிர்த்திட்ட பாதம்!
ஆலிலையும் அணைத்திடட்ட பாதம்!
ஆயர் குலம் பிணைத்திட்ட பாதம்! காளிங்க நர்த்தன பாதம்!
காத்தருளும் வித்தக பாதம்!
மாலெனும் உயர்ந்தவன் பாதம்!
மாதுடை கவர்ந்தவன் பாதம்!
கண்ணனாய் ஓடிய பாதம்!
கால்விரல் தேடிய பாதம்!
வண்ணமாய் மாறிய பாதம்!
வனக்குகன் நாடிய பாதம்!
மண்ணினுள் ஆடிய பாதம்! மணிப் பொன்னும் சூடிய பாதம்!
வெண்ணுறி விரும்பியோன் பாதம்!
வெள்ளத்தை அருந்தியோன் பாதம்!
உலகினைப் படைத்தவன் பாதம்!
உயிர்களைக் காப்பவன் பாதம்!
அழகினிற் கவர்ந்தவன் பாதம்!
அனைத்திற்கும் பகிர்ந்தவன் பாதம்! துலங்கிடும் துணைவனின் பாதம்!
துணைவரும் இறைவனின் பாதம்!
வழங்கிடும் வள்ளலின் பாதம்!
வாமன வல்லவன் பாதம்!
ஆயருடன் ஆடிய பாதம்!
ஆழ்கடல் தேடிய பாதம்!
மாயனாம் மன்னவன் பாதம்!
மயக்கிடும் என்னவன் பாதம்!
தாயென நிற்பவன் பாதம்! தரணியின் கற்பக பாதம்!
தூயனாய் ஆள்பவன் பாதம்!
துளசியுடன் வாழ்பவன் பாதம்!
அறவழி காட்டிடும் பாதம்!
அருள்நெறி ஊட்டிடும் பாதம்!
உறவென உணர்த்திடும் பாதம்!
உதவிடும் உத்தமன் பாதம்!
சுரங்கனின் நாயகன் பாதம்!
சூட்சும தென்றலின் பாதம்!
வரங்களை வழங்குவோன் பாதம்!
வசந்தமாய் துலங்குவோன் பாதம்!
பரமபத பனிமலர் பாதம்!
பக்தர்கள் அணிமலர் பாதம்!
கரம்தரும் கண்ணனின் பாதம்!
கலியுக மன்னனின் பாதம்!
அரசனாய் ஆள்பவன் பாதம்!
அகத்தினுள் வாழ்பவன் பாதம்!
பரம்பொருள் வேந்தனின் பாதம்!
பரவசம் ஈந்தவன் பாதம்!
பொற்கழல் அணிந்தவன் பாதம்!
பொல்கஜன் அழித்தவன் பாதம்!
வற்றிடா செல்வனின் பாதம்!
வழியுரை சொல்பவன் பாதம்!
முற்றிலா முகுந்தனின் பாதம்!
முழுமதி வதனனின் பாதம்!
ஒற்றுமை விமலனின் பாதம்!
ஒளிர்ந்திடும் நிமலனின் பாதம்!
கீதையைப் பகிர்ந்தவன் பாதம்!
கிளிமலர் குழலவன் பாதம்!
பாதையை உரைத்தவன் பாதம்!
பார்த்திப சாரதி பாதம்!
மாதுடை கொடுத்தவன் பாதம்!
மடிதுயர் தடுத்தவன் பாதம்!
பாதுகை வழங்கிய பாதம்!
பரதனும் வணங்கிய பாதம்!
கூடல் அழகரின் சுந்தர பாதம்!
மதுர வல்லியின் மனமகிழ் பாதம்!
ஆடல் மயில் சோலை அழகரின் பாதம்!
அமுத கள்ளழக காந்தனின் பாதம்!
ஈடிலா சீனிவாச வேங்கடன் பாதம்!
வெங்கடாஜலபதியின் பிரஸன்ன பாதம்!
காடு கஜனருள் காளமேக பாதம்!
மோகன வல்லியின் மோகூரான் பாதம்!
கருடவாகன ஸ்ரீவத்ஸ பாதம்!
கமலக் கண்ணனின் ஸ்ரீஹரி பாதம்!
தருவென வரம் தரும் ஸ்ரீராமர் பாதம்!
தாமோதரனாம் ஸ்ரீதரன் பாதம்!
புரு÷ஷாத்தமனின் புண்ணிய பாதம்!
பீதாம்பரனின் வைகுந்த பாதம்!
பெருவினை தீர்க்கும் கிருஷ்ணரின் பாதம்!
விதிதனை மாற்றும் விஸ்வரூப பாதம்!
குவலயம் முறித்திட்ட சதுர்புஜ பாதம்!
குவியலாய் வரமிடும் குருவாயூர் பாதம்!
தவமென கிடைத்திட்ட தயாபரன் பாதம்!
தானென துணைவரும் தசாவதாரன் பாதம்!
நவமணி யொளிதரும் நர்த்தன பாதம்!
நம்பினோர்க் கருளிடும் நாரண பாதம்!
உவகையின் மொழியுடை உச்சித பாதம்!
உண்மையின் தத்துவ அச்சுத பாதம்!
பிரளய வெள்ளத்தில் ஆடிய பாதம்!
பிரகலாதன் வாய் சூடிய பாதம்!
இரணியனை வதம் செய்த வீரத்தின் பாதம்!
இலையினிற் இழைந்திட்ட கோகுல பாதம்!
மரண பயம் மாய்த்திடும் மாதவன் பாதம்!
மதுசூதனனின் மலரிதழ் பாதம்!
பரமதயாளனின் பத்மநற் பாதம்!
பாண்டவ தூதனின் பூரண பாதம்!
சங்கு சக்கரனின் சகஸ்ரம பாதம்!
சத்ய நாராயணனின் திவ்ய பாதம்!
ரங்க நாதனின் சயன பொற் பாதம்!
ராதா கேசவ ராகவ பாதம்!
பொங்கு கடலுண்ட முகுந்தனின் பாதம்!
பொன்னிற வடிவுடை நந்தனின் பாதம்!
எங்கும் நிறைந்திட்ட விஷ்ணுவின் பாதம்!
எண்ணிய தளத்திடும் வேங்கடன் பாதம்!
அழகிய மணவாளனின் ஆராவதன் பாதம்!
அப்பக் குடத்தானின் அப்பலரெங்க பாதம்!
அழகிய சிங்கரின் குந்தநாயக பாதம்!
ஆதிகேசவ சியாமள மேனியர் பாதம்!
உலகளந்த பெருமானின் திரிவிக்கிரம பாதம்!
உய்ய வந்தானின் அபயப்பிரத பாதம்!
மலர்மகள் பூமகள் வணங்கிடும் பாதம்!
காய்சின வேந்தனின் கனிமலர் பாதம்!
மீனாள் உமையாள் அண்ணன் பெருமாள் பாதம்!
சுந்தரர்க்கு தாரை வார்த்த சுந்தரராஜ பாதம்!
தேனாய் வரமிடும் ஹரசாப விமோசனர் பாதம்!
மிதிலை வில்முறித்த சீதா மணவாளர் பாதம்!
மானான மாரீசனை வதைத்திட்ட பாதம்!
மாயச் சகடத்தினை உடைத்திட்ட பாதம்!
தேன்துயிலோன் திருவரங்க ரெங்கநாதர் பாதம்!
ஆண்டளக்கும் ஐயன் மணிக்குன்றன் பாதம்!
விஜயராகவ பிரகதவரத பாதம்!
வீரராகவ மரகத மதுர பாதம்!
கஜேந்திர வரத ரமாமணி நயன பாதம்!
சுகந்தவன நாத வீர சயன பாதம்!
வசந்த வல்வில் வாசுதேவ பாதம்!
வையங் காத்திட்ட புஷ்பூரண பாதம்!
திசையெலாம் நிறைந்திட்ட திருநறையான் பாதம்!
தீபப் பிரகாச யோக நரசிம்மர் பாதம்!
பக்தவச்சலனின் பரமபத பாதம்!
பத்தராவிப் பெருமாள் திவ்யப் பிரகாச பாதம்!
சக்ரதர சந்திர சூடப் பெருமாள் பாதம்!
சௌந்தர ராஜனின் ஜகதீஸ்வர பாதம்!
அக்கரை வண்ண ஆதிவராஹன் பாதம்!
அம்ருத நாராயண கோலப் பிரான் பாதம்!
அகோபில நரசின் அரவிந்த லோசன பாதம்!
அனந்த பத்மநாப ஆதிகேசவ பாதம்!
திருவாழ் மார்பன் ஒப்பிலியப்ப பாதம்!
தேவாதிராஜன் செங்கண் மால் பாதம்!
திருமூழிக் களத்தான் நின்ற நம்பி பாதம்!
காட்கரையப்பன் கமலநாத பாதம்!
திருக்குறளப்பன் தேவப்பிரான் பாதம்!
யதோத்காரி கருணாகர கண்ணபிரான் பாதம்!
உரக மெல்லணையான் ஸ்ரீவல்லப பாதம்!
இமய வரப்பனாம் மாயப்பிரான் பாதம்!
மகர நெடுங்குழை ராஜகோபால் பாதம்!
வடிவழகிநம்பி ஜகத்ரட்சக பாதம்!
சகல நலந்தரும் சத்யகிரியான் பாதம்!
பத்ரி நாராயண பாலாஜியின் பாதம்!
பகலவ ஒளிதரும் பாம்பணையப்ப பாதம்!
விஜயாசனை சாரங்கபாணி பாதம்!
சுகநலம் அருளிடும் சாரநாதன் பாதம்!
குடமாடு கூத்தனருள் பவளகனிவாய் பாதம்!
பவள வண்ணன் பரிமள ரங்க பாதம்!
பாண்டவ தூதனின் கல்யாண நாரயண பாதம்!
தவமென வரம் தரும் வேங்கட கிருஷ்ண பாதம்!
தர்மத்தின் வழி நின்ற நாராயணர் பாதம்!
நவமணி ஒளி தரும் லட்சுமி வராஹ பாதம்!
சயனப் பெருமாள் சாந்த நரசிம்ம பாதம்!
கவலைகள் களைந்திடும் தெய்வநாயகன் பாதம்!
வெண்சுடர்ப் பெருமாள் பேரருளாளன் பாதம்!
சத்திய மூர்த்தியின் ஜகந் நாத பாதம்!
நீலமுகில் வண்ணன் ஆதிப்பிரான் பாதம்!
நித்திரை அழகுடை வைகுந்த பாதம்!
நீர் வண்ண நாயக கள்வரின் பாதம்!
வைத்த மாநிதி வடபத்ர சாயீ பாதம்!
கோலவில் ராமனின் புண்டரீ காட்சன் பாதம்!
வித்தக பெரிய பெருமாள் சௌரிராஜ பாதம்!
சொன்ன வண்ணம் செய்த நம்பெருமாள் பாதம்!
தாமரைக் கண்ணுடையன் தேவிப் பெருமாள் பாதம்!
தானென துனணவரும் நந்தா விளக்கு பாதம்!
தாமரையாள் கேள்வன் வேதராஜ பாதம்!
வயலாளி மணவாள கோபால கிருஷ்ண பாதம்!
ராமஜெனகை நாராயண சலசயனர் பாதம்!
நம்பிக்கை ஒளியூட்டும் நான் மதியர் பாதம்!
வாமனனாய் உருவெடுத்த உலகளந்தோன் பாதம்!
வளங்கள் பெற வரங்கள் தரும் ஸ்ரீவாரி பாதம்!
கருடாழ்வார் அன்பாய் சுமந்திட்ட பாதம்!
ஹனுமந்தன் நெஞ்சுள் நிறைந்திட்ட பாதம்!
நறுவாழ்வு நலமளிக்கும் நாவாய்குந்தன் பாதம்!
பெண்மையினால் அமுதுகாத்த மோகினியின் பாதம்!
தரணியெலாம் போற்றுகின்ற தாமரைக் கண்ணன் பாதம்!
தசரதனின் செல்வனான ராமசுப பாதம்!
நரசிங்க வல்லியார்க்கு நெகிழ்வு தந்த பாதம்!
நம்பிக்கை நலன் கொடுக்கும் லட்சுமிபதி பாதம்!
விராதனை புவியுள் அமிழ்த்திட்ட பாதம்!
ஜடாயு அன்புள் அமிழ்த்திட்ட பாதம்!
மராமர மரத்தினை சிதைத்திட்ட பாதம்!
வாலியை போரினில் வதைத்திட்ட பாதம்!
இராவண கர்வத்தினை கருக்கிட்ட பாதம்!
விபீடணர், சுக்ரீவரை உருக்கிட்ட பாதம்!
பராபரம் தானென உணர்த்திட்ட பாதம்!
குவிகரங்கள் அத்தனைக்கும் உயர்விட்ட பாதம்!
நாவடி யமர்ந்தோன் நாயக பாதம்!
நலவளம் பகிர்வோன் நற்றுணை பாதம்!
மூவடி யளந்தோன் சேவடி பாதம்!
பாற்கடல் செல்வ பரமபத பாதம்!
கோவடி இசைத்தோன் கோவிந்த பாதம்!
கோசலை மைந்தனின் கோதண்ட பாதம்!
பாவழி நுழைந்தோன் பரந்தாம பாதம்!
திவ்யப் பிரபந்த தீபத்தின் பாதம்!
முதலாழ்வார் மூவர் பற்றிட்ட பாதம்!
மழிசையர் மங்கையர் சுற்றிட்ட பாதம்!
பதமலர் ஆண்டாள் தொட்டிட்ட பாதம்!
பெரியாழ்வார் நம்மாழ்வார் கற்றிட்ட பாதம்!
மதுரகவி பாணாழ்வார் மகிழ்ந்திட்ட பாதம்!
குலசேகரர் பொடியாழ்வார் நெகிழ்ந்திட்ட பாதம்!
மதிமா முனிகளிருவர் மயங்கிட்ட பாதம்!
மகிழ்கூரர் ராமானுஜர் வியந்திட்ட பாதம்!
மூவடி யளந்தோனின் பாதத்தைப் பற்றிடுவோம்!
பரமபத வைகுந்த பேரின்பம் பெற்றிடுவோம்!
சேவடி யழகினையே செவிகுளிர உரைத்திடுவோம்!
செவ்விதழ் செல்வனையே செந்தமிழில் நனைத்திடுவோம்!
காவலாய் இருக்கும் வேந்தன் காலடியில் கற்றிடுவோம்!
கருணையினால் கவரும் கண்ணன் திருவடியை சுற்றிடுவோம்!
பூவடி நற்பாதத்தை நாவினிக்க நாமுரைக்க புண்ணியம் கோடி தரும் பூரணன் ஹரியின் பதமே!
ஸ்ரீராமர் தெய்வத் திருவடிகள் சரணம்!
ஸ்ரீ நாச்சியார் திருவடி
கமல வல்லி கனகவல்லி கற்பக வல்லி பாதம்!
அமுத வல்லி அம்ருதவல்லி அழகியவல்லி பாதம்!
குமுதவல்லி குருகூர்வல்லி குழைக்காத வல்லி பாதம்!
புஷ்பவல்லி பூர்ணவல்லி பவளவல்லி பாதம்!
அபிஷேக வல்லி அம்புஜவல்லி அஞ்சிலைவல்லி பாதம்!
செண்பகவல்லி செங்கமலவல்லி கோமளவல்லி பாதம்!
ஆதிநாதவல்லி அம்ருதகடவல்லி அரவிந்தவல்லி பாதம்!
குறுங்குடிவல்லி கோளுர்வல்லி குளந்தைவல்லி பாதம்!
வஞ்ஜுளவல்லி வாத்ஸல்யவல்லி வரகுணவல்லி பாதம்!
வேதவல்லி வேளுக்கைவல்லி வைகுந்தவல்லி பாதம்!
மதுரவல்லி மரகதவல்லி மோகூர்வல்லி பாதம்!
சுதாவல்லி சுந்தரவல்லி புண்டர்கவல்லி பாதம்!
கல்யாணவல்லி செங்கமலவல்லி சௌந்தர்யவல்லி பாதம்!
ரமாமணி வல்லி வித்துவகோட்டுவல்லி நேர்ஒருவரில்லா வல்லி பாதம்!
தஞ்தைநாயகி ரங்கநாயகி பரிமளரங்கநாயகி பாதம்!
சார நாயகி லோகநாயகி புரு÷ஷாத்தம நாயகி பாதம்!
பூமி தேவி பூர்வா தேவி சிறுதேவி பாதம்!
மகாதேவி இந்திராதேவி வாத்ஸல்ய தேவி பாதம்!
செண்பகச் செல்வி பங்கயச் செல்வி பொற்றாமரையாள் பாதம்!
மலர்மகள் பூமகள் கடல் மகள் பாதம்!
செங்கமலநாச்சியார் மதுரவேணி நாச்சியார் பூங்கோவல் நாச்சியார் பாதம்!
தலைச் சங்கநாச்சியார் திருப்பேரை நாச்சியார் உய்யவந்த நாச்சியார் பாதம்!
கல்யாண நாச்சியார் உபயநாச்சியார் பாமா ருக்மணி பாதம்!
அல்லிமாமலர் திருமாமகள் தாமரை நாயகி பாதம்!
மலர்மங்கை நிலமங்கை மடவரல் மங்கை பாதம்!
கிரீவரமங்கை அலர்மேல் மங்கை அணிமாமலர் மங்கை பாதம்!
பொற்கொடி ஆண்டாள் செல்வத்திருக் கொழுந்து பாதம்!
பத்மாசனி பத்மாமணி பெருஞ்செல்வ நாயகி பாதம்!
பெருந்தேவி கண்ணபுர நாயகி நரசிங்கவல்லி பாதம்!
லட்சுமி ஹரிலட்சுமி கருந்தடக்கண்ணி பாதம்
செல்வநாயகி செம்மலர் பாதங்களை மனம் குளிர நினைந்திடுவோம்!
றதாயார் திருவடியை தினமும் நாம் தொழுது தனமழையில் நனைந்திடுவோம்!
ஸ்ரீமகாலட்சுமி மலர்ப் பாதம் போற்றி!
-மதுரை மீனு