காஞ்சிபுரம் கோவில்களில் பாதுகாப்பு: நுழைவு வாசலில் சைரன்!
ADDED :4338 days ago
காஞ்சிபுரம்: கோவில்களில் திருட்டு சம்பவங்களை தடுக்க, பிரதான நுழைவு வாயில்களில், சைரன் பொருத்த, செயல் அலுவலர்களுக்கு, அறநிலையத் துறை உத்தரவிட்டு உள்ளது. காஞ்சிபுரம் மாவட்டத்தில் கோவில்களில் திருட்டுக்களை தடுக்க நடவடிக்கை எடுக்கப்பட்டு வருகிறது. அறநிலைய துறையில், 5 லட்சத்திற்கு மேல் உண்டியல் வருவாய் தரும் கோவில்களில்,பிரதான நுழைவு வாசலில், சைரன் பொருத்த முடிவு செய்யப்பட்டுள்ளது. கோவில் செயல் அலுவலர்களுக்கு இந்த உத்தரவு சுற்றறிக்கையாக அனுப்பப் பட்டுள்ளது. கோவில்களில் செயல் அலுவலர்கள், சைரன் பொருத்த நடவடிக்கை எடுத்து வருகின்றனர்.