சுசீந்திரம் தாணுமாலையன் சுவாமி கோயில் மார்கழி திருவிழா தொடக்கம்!

நாகர்கோவில்: சுசீந்திரம் தாணுமாலைய சுவாமி கோயில் மார்கழி திருவிழா நேற்று காலை, கொடியேற்றத்துடன் தொடங்கியது. வரும் 18-ம் தேதி வரை பத்து நாட்கள் நடக்கிறது. வட்டபள்ளி மடம் ஸ்தானிகர் சர்மா கொடியேற்றினார். பத்து நாட்கள் நடக்கும் இத்திருவிழாவின் முக்கிய நிகழ்ச்சியான மக்கள்மார் சந்திப்பு மூன்றாம் நாள் திருவிழாவான 11-ம் தேதி நடக்கிறது. கோட்டாறு வலம்புரி விநாயகர், மருங்கூர் சுப்பிரமணிய சுவாமி, வேளிமலை குமாரசாமி ஆகியோர் தங்களது தாய், தந்தையரான சுவாமி, அம்பாளை சந்தித்து தரிசனம் செய்யும் மக்கள்மார் சந்திப்பு நிகழ்சியை கான பல்லாயிரகணக்கான பக்தர்கள் கூடுகின்றனர். 9-ம் நாள் (17-ம் தேதி)தேரோட்டம் நடக்கிறது. அன்று இரவு 12 மணிக்கு மக்கள்மார் சந்திப்பு நிகழ்ச்சிக்காக வந்த கோட்டாறு வலம்புரிவிநாயகர், மருங்கூர் சுப்பிரமணியசுவாமி, வேளிமலை குமாரசாமி ஆகியோர் தங்களது தாய், தந்தையான சுவாமியையும், அம்பாளையும் பிரிந்து செல்லும் சப்தாவர்ணம் நிகழ்ச்சி நடக்கிறது.