சிவலோகநாதர் கோவிலில் இன்று சனிப்பிரதோஷ விழா!

கிணத்துக்கடவு: கிணத்துக்கடவு சிவலோகநாதர் கோவிலில் இன்று (14ம் தேதி) சனிபிரதோஷத்தை ஒட்டி, சிவலோகநாதருக்கும், நந்திக்கும் ஒரே சமயத்தில் சிறப்பு அபிஷேக அலங்கார பூஜைகள் நடக்கவுள்ளது. இதில், பால், பன்னீர், தயிர், இளநீர், சந்தனம், குங்குமம், தேன், பஞ்சாமிர்தம் போன்றவைகளால் சிவலோகநாதருக்கும், நந்திக்கும் மாலை 4.30 மணியில் இருந்து 5.15 மணி வரை அபிஷேக பூஜைகள் நடக்கிறது. தொடர்ந்து, பூக்களால் அலங்காரம் செய்து மாலை 6.00 மணிக்கு தீபாராதனை காட்டப்படும். பின், பக்தர்களுக்கு பிரசாதம் மற்றும் அன்னதானம் வழங்கப்படுகிறது. சனி பிரதோஷ வழிபாட்டு அபிஷேக பூஜைகளுக்கு தேவையான பால், தயிர், இளநீர் போன்றவைகளை பக்தர்கள் மாலை 4.30 மணிக்குள் கொண்டு வந்து கொடுக்க வேண்டும் என கோவில் நிர்வாகம் தெரிவித்துள்ளது. பொன்மலை வேலாயுதசாமி, அரசம்பாளையம் திருநீலகண்டர், பெரியகளந்தை ஆதிஸ்வரன், தேவணாம்பாளையம் அமணலிங்கேஸ்வரர் போன்ற கோவில்களில் சனிபிரதோஷ வழிபாடு நடக்கவுள்ளது.