அழகர் கோவில் மலையில் ராமதேவர் சித்தர் குருபூஜை கோலாகலம்!

பதினெட்டு சித்தர்கள் ஒருவர் ராமதேவர் சித்தர். இவர் மக்கள் அனைவரும் பக்திக்கு பக்குவப்படுதல் அவசியம் என்பதை பக்குவமாக எடுத்துக் கூறி மக்களை வழி நடத்தி சென்று, ஞான மார்க்கத்தினை அடையும் எளிய முறையையும் இயற்கையின் ரகசியத்தையும் உணர்த்துகின்ற மகா சித்தர் கும்பமுனியின் பிரதான சீடர் பகவான் புலத்தியரின் மானசீக சீடர்தான் பகவான் ராமதேவர் சித்தர் - கலியுகத்தில் மக்கள் மக்களாக வாழவேண்டும் என்றும் புவியில் தர்மம் மட்டுமே தழைத்தோங்க வேண்டும் என்றும் அனைவரும் ஒழுக்க நெறியுடனும் மன சாந்தியுடனும் வாழ வாழ்த்தி அருளுகின்ற பகவான் ராமதேவர் சித்தர்.  இவருக்கு ஆண்டு தோறும் மதுரை அருகே உள்ள அழகர்கோயில் மலையில் குருபூஜை சிறப்பாக கொண்டாடப்படுகிறது. இந்த ஆண்டு விஜய வருடம் மாசி மாதம் 4-ம் தேதி (16.2.14) ஞாயிற்றுக்கிழமை பூரம் நட்சத்திரமும், அமிர்த யோகமும் கூடிய சுபதினத்தில் அன்று காலை 9.01 மணிக்கு மேல் குருபூஜை நடைபெறுகிறது. பூஜையன்று ராமதேவர் சித்தருக்கு சிறப்பு அபிஷேகமும் குருபூஜையும் அன்னதானமும் நடைபெற உள்ளது. இந்தகுருபூஜையில் பல மடாதிபதிகளும் ஆயிரக்கணக்கான பக்தர்களும் கலந்து கொள்வார்கள்.