அம்மன் கோவிலில் மகா கும்பாபிஷேகம்
ADDED :4226 days ago
கோத்தகிரி: கோத்தகிரி ராமலிங்க சவுடேஸ்வரி அம்மன் கோவிலில் மகா கும்பாபிஷேகம் நேற்று நடந்தது.இதில், காலை 6:00 மணிக்கு, மங்கள இசையுடன் நாடி சந்தானம், நான்காம் காலயாகம் நடந்தது. காலை 10:30 மணிக்கு, யாத்ராதானம், கடம்புறம்பாடு, ரிஷப லக்கினத்தில் மகா கும்பாபிஷேகம் நடந்தது. கும்பாபிஷேக யாக பூஜைகளை வேத சிவ ஆகம முறைப்படி, தயானந்தபுரி சுவாமிகள் தலைமையில், சாகித்ய ஸ்ரீ வைணவக்கடல் புலவர் கிருஷ்ணமூர்த்தி, சிவஸ்ரீ சிவமணிகண்ட சாஸ்திரிகள் நடத்தினர். பக்தர்களுக்கு அன்னதானம் வழங்கப்பட்டது.