சுந்தர விநாயகர் கோவிலில் சிறப்பு ஹோமம்!

திருத்தணி: தமிழ் மாத பிறப்பை முன்னிட்டு, சுந்தர விநாயகர் கோவிலில், சிறப்பு ஹோமம் மற்றும் பூஜைகள் நடந்தன. திருத்தணி, முருகன் கோவிலின் துணை கோவிலான சுந்தர விநாயகர் கோவில், திருத்தணி ம.பொ.சி., சாலையில் உள்ளது. இக்கோவிலில், ஒவ்வொரு தமிழ் மாதம் முதல் நாள் அன்று, சிறப்பு ஹோமம் மற்றும் பூஜைகள் நடத்தப்பட்டு வருகின்றன. அதே போல், நேற்று முன்தினம், தமிழ் புத்தாண்டு மற்றும் சித்திரை மாதம் முதல் நாள் முன்னிட்டு, அதிகாலை 5:00 மணிக்கு, கோவில் வளாகத்தில் ஒரு யாகசாலை, மூன்று கலசங்கள் வைத்து, சிறப்பு ஹோமம் நடத்தப்பட்டன. தொடர்ந்து, மூலவர் விநாயகருக்கு சிறப்பு அபிஷேகம், அலங்காரம் மற்றும் தீபாராதனை நடந்தது. மேலும் நேற்று முன்தினம் இரவு, உற்சவர் விநாயகர் திருவீதியுலா வந்து, பக்தர்களுக்கு அருள்பாலித்தார்.