யோகி ராம்சுரத்குமார் 96வது ஜெயந்தி விழா!

திருக்கோவிலுார்;திருவண்ணாமலை, பகவான் யோகி ராம்சுரத்குமார் மகராஜின், 96ம் ஆண்டு ஜெயந்தி விழா, வரும், 30ம் தேதி துவங்குகிறது.திருவண்ணாமலை பகவான் யோகி ராம்சுரத்குமார் மகராஜின் ஆசிரம வளாகத்தில், 30ம் தேதி காலை, 6:30 மணிக்கு, பிரதான் மந்திரில் ஹோமம் நடக்கிறது. காலை, 10:30 மணிக்கு பகவானுடன் ஏற்பட்ட அனுபவங்களை பக்தர்கள் பகிர்ந்து கொள்கின்றனர்.மாலை, 4:00 மணிக்கு, ஜெ.முகிலன் உருவாக்கிய பகவானின் வீடியோ பதிவுகள் காட்சி படுத்துகின்றன. மாலை, 6:15 மணிக்கு பரதநாட்டியம் நடக்கிறது.டிச., 1ம் தேதி காலை, 7:00 மணிக்கு, பிரதான் மந்திரில், சிறப்பு அபிஷேகம், சுவாதி ஹோமம், அர்ச்சனை, பூஜைகள் நடக்கின்றன. முற்பகல், 11:00 மணிக்கு விழா அரங்கில் பக்தர்கள் பஜனை நடக்கிறது. மாலை, 4:00 மணிக்கு, சென்னை சற்குரு நாத ஓதுவாரின் தேவாரம், மாலை, 6:00 மணிக்கு. ஸ்ரீமதி பங்கஜம் தாஸ் குழுவினரின் இன்னிசை, இரவு, 7:45 மணிக்கு வெள்ளி ரதத்தில் உற்சவர் உலா, ஆரத்தி ஆகிய நிகழ்ச்சிகள் நடக்கின்றன. விழா ஏற்பாடுகளை, ஆசிரமத் தலைவர் ஜஸ்டிஸ் அருணாசலம் மற்றும் பக்தர்கள் செய்து வருகின்றனர்.