நாகல்பாக்கம் கோவில் கும்பாபிஷேக விழா!

முருக்கேரி : முருக்கேரி அடுத்த நாகல்பாக்கம் கிராமத்தில் உள்ள ஸ்ரீபடவேட்டம்மன் கோவில் மகா கும்பாபிஷேக விழா நடந்தது. முருக்கேரி அடுத்த நாகல்பாக்கம் ஸ்ரீபடவேட்டம்மன் கோவில் மகா கும்பாபிஷேக விழா நடந்தது. விழாவையொட்டி நேற்று முன்தினம் காலை 10.15 மணிக்கு முருக்கேரி ஸ்ரீலஸ்ரீ சீனுவாசசாமிகள், திண்டிவனம் நாகராஜ் குருக்கள் குழுவினர், கோவில் கோபுர கலசத்திற்கு புனித நீர் ஊற்றி மகா கும்பாபிஷேகம் செய்து வைத்தனர். தொடர்ந்து 10: 30 மணிக்கு ஸ்ரீ செல்வ கணபதி, ஸ்ரீ பாலமுருகன், ஸ்ரீ படவேட்டம்மன் ஆகிய சிலைகளுக்கு பிரதிஷ்டை செய்யப்பட்டது. பக்தர்களுக்கு அன்னதானம் வழங்கப்பட்டது. இரவு அம்மன் பூ அலங்காரத்தில் வீதியுலா நிகழ்ச்சி நடந்தது.