மிதுனம்: (மிருகசீரிடம் 3,4, திருவாதிரை, புனர்பூசம் 1,2,3) குழந்தை பாக்கியம்!

பெரியோரை மதித்து நடக்கும் மிதுன ராசி அன்பர்களே!

இந்த மாதம் சுக்கிரன், சனி முன்னேற்றம் தர காத்திருக்கின்றனர். மற்ற கிரகங்கள் சாதகமற்ற இடத்தில் இருப்பதால் எதிலும் விடாமுயற்சி தேவைப்படும். ஆனால் உங்கள் முயற்சிக்கு தகுந்த பலன் கிடைக்காமல் போகாது. குடும்பத்தில் இருக்கும் பிரச்னை, அவப்பெயர் ஆக.1 க்கு பிறகு மறையும். விருந்து விழா என சென்று மகிழ்வீர்கள். சுக்கிரனால் பிரிந்த தம்பதியர் ஒன்று சேருவர். புதுமணத் தம்பதியருக்கு குழந்தை பாக்கியம் கிடைக்கும். கணவன்- மனைவி இடையே அன்பு மேலோங்கும்.

தொழில், வியாபாரத்தில் நிர்வாகச் செலவு அதிகரிக்கும். சுமாரான லாபம் கிடைக்கும். எதிரிகளின் இடையூறை சந்திக்க நேரிடும். புதிய தொழில் தொடங்கவோ, முதலீட்டை அதிகரிக்கவோ வேண்டாம்.

பணியாளர்கள் சிறப்பான நிலையில் இருப்பர். எதிர்பார்த்த பதவி உயர்வு கிடைக்கும். வேலைப்பளு
குறையும்.

கலைஞர்கள் முன்னேற்றப் பாதையில் செல்வர். புதிய ஒப்பந்தம் கிடைக்கும்.பொருளாதார வளம் சிறக்கும். ஜூலை18க்குள் அரசிடம் இருந்து விருது, பாராட்டு போன்றவை கிடைக்கும்.

அரசியல்வாதிகள்  சுமாரான நிலையில் இருப்பர். ஆனால் பணப்புழக்கத்தில் குறையிருக்காது.

மாணவர்கள் அக்கறையுடன் படிப்பது நல்லது. புதன் சாதகமற்ற இடத்தில் இருப்பதால் போட்டியில் வெற்றி காண்பது அரிது. முயற்சிக்கு தகுந்த பலன் நிச்சயம் கிடைக்கும்.

விவசாயிகள் கால்நடை மூலம் வருமானம் காண்பர். வழக்கு விவகாரத்தில் மெத்தனமாக இருக்க வேண்டாம்.

பெண்களுக்கு அண்டை வீட்டாரின் நட்பு கிடைக்கும். குடும்பம் சிறந்து விளங்கும்.பிறந்த வீட்டில் இருந்து சீதனப் பொருள் கிடைக்க பெறலாம். வேலைக்கு செல்லும் பெண்கள் கடினமாக உழைக்க வேண்டியது இருக்கும்.

நல்ல நாள்: ஜூலை 13, 14, 19, 20, 29, 30  ஆக.  4, 5, 6, 7, 10, 11, 12, 15, 16, 17

கவன நாள்:  ஜூலை 31,   ஆக. 1

அதிர்ஷ்ட எண்: 4,5                   நிறம்: வெள்ளை,கருப்பு

பரிகாரம்: நாக தேவதையை வணங்கி வாருங்கள். துர்க்கை வழிபாடு நடத்துங்கள். ராகு கால பைரவர் பூஜையில் பங்கு பெறுங்கள்.