துலாம்: (சித்திரை 3,4 சுவாதி, விசாகம் 1,2,3) போட்டியில் வெற்றி!
ADDED :4139 days ago
பெற்றோர் மீது பாசம் மிக்க துலாம் ராசி அன்பர்களே!
இந்த மாதம் வாழ்வின் முன்னேற்றமான காலகட்டமாக அமையும். கடந்த காலத்தில் பெரும்பாலான கிரகங்கள் சாதகமற்று இருந்த போதும், கேது உங்களை பாதுகாத்து இருப்பார். தற்போது சூரியன், புதன், சுக்கிரன், குரு ஆகியோர் நன்மையை வாரி வழங்குவர். சூரியனால் நினைத்தது எளிதில் நிறைவேறும். வருமானம் சிறப்பாக இருக்கும். சொந்தபந்தம் வருகையால் நன்மை ஏற்படும். பெண்களால் ஏற்பட்ட களங்கம் மறையும். பெண்களின் ஆதரவு கிடைக்கும். பொன், பொருள் சேரும். குடும்பத்தினர் மத்தியில் அந்தஸ்துடன் இருப்பீர்கள். கணவன், மனைவி இடையே அன்பு மேம்படும். வீட்டுத் தேவை அனைத்தும் நிறைவேறும். பிள்ளைகளின் செயல்பாடு பெருமையளிக்கும். அக்கம்பக்கத்தினர்
உதவிகரமாக இருப்பர்.
தொழிலில் உழைப்புக்கு ஏற்ற வருமானம் நிச்சயம் கிடைக்கும். சூரியன், சுக்கிரனால் நல்ல வளர்ச்சி உண்டாகும். ஆக. 1ல் இருந்து லாபம் அதிகரிக்கும்.
பணியாளர்கள் சிறப்பான முன்னேற்றம் காண்பர். அரசு ஊழியர்களுக்கு கோரிக்கை எளிதில் நிறைவேறும். சக ஊழியர்களின் ஒத்துழைப்பு கிடைக்கும்.
கலைஞர்கள் சிறப்பான நிலையை அடைவர். புதிய ஒப்பந்தம் எளிதில் கிடைக்கப் பெறுவர்.
அரசியல்வாதிகள் பலனை எதிர்பாராமல் உழைக்க வேண்டியது இருக்கும்.
மாணவர்கள் அதிக வளர்ச்சியை எதிர்நோக்கலாம். ஆசிரியர்களின் அறிவுரையால் கல்வியில் வளர்ச்சி ஏற்படும். புதன் சாதகமாக இருப்பதால் போட்டியில் வெற்றி கிடைக்கும்.
பெண்கள் எப்போதும் மகிழ்ச்சியுடன் காணப்படுவர். கணவரின் அன்பு கிடைக்கும். புத்தாடை, அணிகலன் வாங்கலாம். விருந்து, விழா என சென்று வருவீர்கள்.
நல்ல நாள்: ஜூலை 17, 18, 19, 20, 24, 25, 29, 30 ஆக. 6, 7, 13, 14, 15, 16, 17
கவன நாள்: ஆக. 8, 9 சந்திராஷ்டமம்
அதிர்ஷ்ட எண்: 1, 7, 9 நிறம்: மஞ்சள்,பச்சை, செந்துõரம்
பரிகாரம்: ஏழைகளுக்கு இயன்ற உதவி செய்யுங்கள். சனிக்கிழமை பெருமாள், ஆஞ்சநேயர் வழிபாடு நன்மை தரும். முருக வழிபாடு முன்னேற்றம் தரும்.