சமயபுரம் மாரியம்மன் கோவிலுக்கு முதுமலை யானை!

சென்னை : அறநிலையத்துறை அதிகாரிகள் கூறியதாவது: திருச்சி மாவட்டம், சமயபுரம் மாரியம்மன் கோவிலில் யானை இல்லை; கோவிலுக்கு யானை தரும்படி, வனத்துறையிடம் கேட்டிருந்தோம். இதை பரிசீலித்த வனத்துறை அதிகாரிகள், முதுமலை யானை முகாமில் உள்ள, 8 வயதான, மசினி என்ற யானையை, சமயபுரம் கோவிலுக்கு அனுப்ப முடிவு செய்துள்ளனர். இதற்காக, மசினிக்கு, கோவில் யானைக்குரிய பயிற்சியை, இரு பாகன்கள் அளித்து வருகின்றனர். இரண்டு வார பயிற்சியில் தேர்ச்சி பெற்றால், மசினி யானை சமயபுரம் மாரியம்மன் கோவிலுக்கு அழைத்து வரப்படும்.இவ்வாறு தெரிவித்தனர்.