விருச்சிகம்: (விசாகம் 4, அனுஷம், கேட்டை) தொழிலில் முன்னேற்றம்!
ADDED :3987 days ago
உழைப்பே உயர்வு என்ற கொள்கையுடைய விருச்சிக ராசி அன்பர்களே!
இந்த மாத பிற்பகுதியில் சுக்கிரன் நன்மை தருவர். 11-ம் இடத்தில் உள்ள செவ்வாயும் டிச. 28 வரை நற்பலன் கொடுப்பார். குரு டிச. 20ல் கன்னி ராசிக்கு மாறி நற்பலனை கொடுப்பார். அவரால் பொருளாதார வளம் மேம்படும். ஜன. 8ல் ராகு 10-ம் இடமான சிம்மத்திற்கு மாறுவது அவ்வளவு சிறப்பான இடம் அல்ல. கேது 4-ம் இடமான கும்பத்திற்கு வருவதும் சிறப்பான இடம் அல்ல. இவர்களால் உடல் நல பாதிப்பு வரலாம்.இருப்பினும், பிற கிரக நிலைகளின் அடிப்படையில் எடுத்த செயலை சிறப்பாக செய்து முடிக்கலாம். முயற்சிகளில் இருந்த தடையும், மனதில் ஏற்பட்ட சோர்வும்மறையும். பெண்களால் பொருள் சேரும். விருந்து, விழா என சென்று வருவீர்கள். வீட்டிற்கு தேவையான ஆடம்பர பொருட்களை வாங்க யோகம் கூடிவரும். கணவன்-மனைவி இடையே அன்பு மேம்படும். வீடு-மனை வாங்க நினைப்பவர்கள் டிச. 28க்குள் பயன்படுத்திக் கொள்ளவும்.
தொழிலதிபர்கள், வியாபாரிகளில் பெண்களை பங்குதாரராக கொண்ட நிறுவனங்கள் நல்ல முன்னேற்றம் அடையும். கூட்டாளிகளிடையே ஒற்றுமை ஏற்படும். சிலர் நிறுவனத்தை விரிவுபடுத்துவர். போட்டியாளர்களின் இடையூறு தலை துõக்கலாம். வரவு செலவு கணக்கை சரியாக வைத்துக் கொள்ளவும். டிச. 21,22ல் எதிர்பாராத வகையில் பணம் வரும்.
பணியாளர்கள் தங்கள் பொறுப்புகளை யாரையும் நம்பி ஒப்படைக்கவேண்டாம். மேல் அதிகாரிகளிடம் அனுசரித்து போகவும். டிசம்பர் 19க்கு பிறகு குரு சாதகமான இடத்தில் இருப்பதால் உங்கள் கோரிக்கை நிறைவேறும். விரும்பிய இடத்திற்கு மாற்றம் கிடைக்க வாய்ப்பு உண்டு.
கலைஞர்களுக்கு புதிய ஒப்பந்தங்கள் எளிதில் கிடைக்கும்.
அரசியல்வாதிகள், எதிர்பார்த்த பதவியை பெறலாம்.
மாணவர்கள் சிரத்தை எடுத்து படித்தால் தான் கல்வியில் சிறக்க முடியும். புதனும் சாதகமற்ற இடத்தில் இருப்பதால் போட்டிகளில் வெற்றி காண கடுமையாக உழைக்க வேண்டும்.
விவசாயிகளுக்கு எந்த பயிரும் லாபத்தை கொடுக்கும். நவீன விவசாயக் கருவிகள் வாங்க யோகமுண்டு.
புதிய சொத்து வாங்கும் எண்ணம் கைகூடும்.
பெண்கள் குடும்பத்தில் நற்பெயர் எடுப்பர். புத்தாடை, நகைவாங்கலாம்.
நல்ல நாள்: டிச. 21,22,23,24,30,31 ஜன.1,2,3,6,7,11,12.
கவன நாள்: டிச. 25,26 சந்திராஷ்டமம்
அதிர்ஷ்ட எண்: 2, 3 நிறம்: சிவப்பு, மஞ்சள்
பரிகாரம்: சனிக்கிழமை சனீஸ்வரருக்கு நல்லெண்ணெய் தீபம் ஏற்றி வழிபடுங்கள். துர்க்கை, விநாயகர்,பெருமாள் வழிபாடு முன்னேற்றம் தரும்