துலாம்: (சித்திரை 3,4, சுவாதி, விசாகம் 1,2,3)

பொதுநலம் விரும்பும் துலாம் ராசி அன்பர்களே! (அபரிமித லாபம்)

மாத முற்பகுதியில் அதிக நன்மை கிடைக்க வாய்ப்புள்ளது. குரு பகவான் மற்றும் ராகு 11-ம் இடமான சிம்மத்தில் இணைந்திருந்து நன்மை தருவார்கள். சுக்கிரன் ஜூலை 8 வரையும், புதன் ஜூன் 20 வரையும், ஜூலை 6க்கு பிறகும் சாதகமாக இருந்து சிறப்பான பலனை தருவர். கணவன், மனைவி இடையே அன்பு மேம்படும். ஜூலை 6க்கு பிறகு சகோதரிகளின் ஆதரவு இருக்கும். அவர்களால் பொருள் சேரும். பெண்கள் மிகவும் உதவிகரமாக இருப்பர்.

தொழில், வியாபாரத்தில் நல்ல வளர்ச்சி காணலாம். ஜூன் 27,28ல் லாபம் அபரிமிதமாக இருக்கும். புதிய வியாபாரம் ஓரளவு அனுகூலம் தரும். ஜூலை 1க்கு பிறகு போட்டி அதிகரிக்கும். அரசு வகையில் அனுகூலமான போக்கு காணப்படவில்லை. எனவே வரவு-, செலவு கணக்கை சரியாக வைத்துக் கொள்ளவும். பெண்களை பங்குதாரராக கொண்ட தொழில் சிறந்த வளர்ச்சி அடையும்.

பணியாளர்களுக்கு உயர்பதவி தேடி வரும். ஜூன் 19க்கு பிறகு அதிகமாக உழைக்க வேண்டியிருக்கும். ஆனால் குருவால் உழைப்பிற்கேற்ற பலன் கிடைக்கும்.
கலைஞர்களுக்கு புகழ், பாராட்டு கிடைக்கும். அரசியல்வாதிகள் பலனை எதிர்பாராமல் உழைக்க வேண்டி வரும். மாணவர்களுக்கு புதன் சாதகமற்ற இடத்தில் இருப்பதால் சகவாசத்தால் பிரச்னை வர வாய்ப்புண்டு. கவனம். ஆனால் குருவால் முயற்சிகள் வீண் போகாது. விவசாயிகள் எள், கரும்பு, கோதுமை பயிர்களில் சிறப்பான மகசூல் பெறலாம். புதிய சொத்து வாங்கும் எண்ணம் தடைபடலாம்.

பெண்கள் புத்தாடை, நகை வாங்கலாம். தாய் வீட்டு சீதனம் கிடைக்கும்.
நல்ல நாள்: ஜூன் 15,16,17,20,21,22,27, 28,29,30 ஜூலை 6,7,8,9,13,14.
கவன நாள்: ஜூலை 1,2 சந்திராஷ்டமம்.
அதிர்ஷ்ட எண்: 2,4
நிறம்: வெள்ளை

பரிகாரம்: சனிக்கிழமை ஆஞ்சநேயரை வழிபடலாம். வெள்ளிக்கிழமைகளில் நவக்கிரக மண்டபத்திலுள்ள சுக்கிரனுக்கு அர்ச்சனை செய்யுங்கள்.