ரமலான் சிந்தனைகள்-7: தொழுகை நேரம் தெரியுமா!

முஸ்லிம்கள் ஐந்துவேளை தொழுகையை தினமும் கடைபிடிக்கின்றனர். மற்ற நாட்களில் ஏதேனும் அசவுகரியம் ஏற்பட்டாலும், வெள்ளிக்கிழமைகளில் கண்டிப்பாகக் கடைபிடிக்கின்றனர். ரமலான் மாதத்தில் இந்த தொழுகை நேரங்கள் நமக்கு தெரிந்திருக்க வேண்டியது மிகவும் அவசியம்.

பஜ்ர்: அதிகாலை தொழுகை- சூரியன் உதயமாவதற்கு ஒருமணி நேரம் முன்னதாக தொழுவது.

லுஹர்: மதிய தொழுகை- சூரியன் உச்சியில் இருந்து மேற்குநோக்கி சற்று சாய்ந்த பிறகு 5 நிமிடங்கள் கழித்து தொழுவது (உத்தேசமாக மதியம் 12.10 வாக்கில்)

அஸர்: பிந்திய மதியம்- சூரியன் உச்சியில் இருந்து மேற்கில் சாய்ந்ததும் அடிக்கும் வெயிலில் ஒரு பொருளின் நீளம், அதன் நீளத்தை விட ஒன்றரை மடங்காக (நிழல்) தெரியும் போது (உத்தேசமாக மாலை 4 மணி) தொழுவது.

மஃக்ரிப்: பிந்திய மாலை- சூரியன் மறைந்ததும் சில நிமிடங்களில் தொழுவது (மாலை 6.30 மணியளவில்)இஷா: இரவு- படுப்பதற்கு முன் நிறைவேற்றும் தொழுகை. ரமலான் காலத்தில் சிறுவர்களுக்கு தொழுகை நேரத்தை கற்றுக்கொடுங்கள்.

இன்று நோன்பு திறக்கும் நேரம்: மாலை 6.45 மணி
நாளை நோன்பு வைக்கும் நேரம்: காலை 4.15 மணி.