பழநி சிவன் கோயில்களில் பிரதோஷ வழிபாடு

பழநி: பழநி பெரியாவுடையார் இடும்பன்கோயில் உள்ளிட்ட சிவன் கோயில்களில் பிரதோஷ வழிபாடு நடந்தது. பழநி கோதைமங்கலம் பெரியாவுடையார் கோயிலில் மாலை 4மணிக்குமேல் நந்திவாகனம், மூலவர் லிங்கத்திற்கு சிறப்பு அபிஷேகம் அலங்காரம் செய்யப்பட்டது. ரிஷபவாகனத்தில் சிவன்,பார்வதி உட்பிரகாரத்தை வலம் வந்தனர். இடும்பன்கோயிலில் சிவகிரிநாதர், உமாமகேஸ்வரி, நந்திக்கு சிறப்பு அபிஷேகம், அலங்காரம் மகாதீபாராதனை நடந்தது. திருஆவினன்குடி, பெரியநாயகியம்மன்கோயில், மலைக்கோயில் கைலாசநாதர், வேளீஸ்வரர்கோயில் உள்ளிட்ட சிவன்கோயில்களில் பிரதோஷ வேளையில் சிவலிங்கம், நந்திக்கு சிறப்பு அபிஷேகம், மகாதீபாராதனை நடந்தது. ஞாயிறு விடுமுறை என்பதால் ஏராளமான பக்தர்கள் பங்கேற்றனர்.