சோமங்கலம் கோவிலில் திருவீதி உலா

சோமங்கலம்: சுந்தரராஜ பெருமாள் கோவில் எட்டாம் ஆண்டு புரட்டாசி மாத திருவீதி உலா உற்சவம் நடந்தது.குன்றத்துார் ஒன்றியம், சோமங்கலம் ஊராட்சி, சவுந்தரவல்லி தாயார் சமேத சுந்தரராஜ பெருமாள் கோவில் அமைந்துஉள்ளது. இக்கோவில், 1,000 ஆண்டுகள் பழமை வாய்ந்தது. இங்கு எட்டாம் ஆண்டு புரட்டாசி மாத திருவீதி உலா உற்சவம் நடந்தது. திருவோண நட்சத்திரத்தை முன்னிட்டு, சுந்தரராஜ பெருமாளுக்கு, காலை, திருமஞ்சனமும், மாலை, புஷ்ப அலங்காரத்துடன் பெருமாள் திருவீதி உலா வைபவமும் நடந்தது. இதில் ஏராளமான பக்தர்கள் பங்கேற்று வழிபட்டனர்.