அலகுமலை கோவிலில் திருக்கல்யாண உற்சவம்
ADDED :3294 days ago
பொங்கலூர் : பொங்கலூர், அலகுமலை முத்துக்குமார பாலதண்டாயுதபாணி முருகன் கோவிலில், கந்தர் சஷ்டி விழாவை, முன்னிட்டு, திருக்கல்யாண உற்சவம் நேற்று நடைபெற்றது. நேற்று முன்தினம் முருகப்பெருமான், தாயிடம் பத்மாவதி பெற்ற வேலால், சூரன்களை வதம் செய்யும் சூரசம்ஹார விழா நடந்தது. நேற்று காலை, 10:30 மணிக்கு பாலதண்டாயுதபாணி, வள்ளி, தெய்வானை திருக்கல்யாண உற்சவம் நடைபெற்றது. சிவாச்சார்யார்கள் வேத மந்திரம் முழங்க, திருக்கல்யாண வைபவத்தை நடத்தி வைத்தனர். விழாவையொட்டி, பெண்களுக்கு, திருமஞ்சன கயிறு வழங்கப்பட்டது. பக்தர்களுக்கு, கல்யாண விருந்து அளிக்கப்பட்டது. ஆயிரக்கணக்கான பக்தர்கள் பங்கேற்று, முருகப்பெருமானை வழிபட்டனர்.