அன்னமலை முருகன் கோவிலில் கிருத்திகை பூஜை திரளான பக்தர்கள்

மஞ்சூர் : அன்னமலை முருகன் கோவிலில் கிருத்திகை பூஜையில் திரளான பக்தர்கள் கலந்துகொண்டனர். மஞ்சூர் அடுத்துள்ள அன்னமலை முருகன் கோவிலில், மாதந்தோறும் கிருத்திகை பூஜை சிறப்பாக நடந்து வருகிறது. நடப்பு மாதத்திற்கான கிருத்திகை பூஜை நடந்தது. காலை, 6:00 மணிக்கு கணபதி பூஜை நடந்தது. 11:00 மணிக்கு பால், தயிர், பன்னீர் என 12 அபிஷேகங்கள், முருக பெருமானுக்கு செய்யப்பட்டது. பின் நடந்த சிறப்பு பூஜையில் பக்தர்கள் வரிசையில் நின்று தரிசனம் செய்தனர். அன்னதானம் வழங்கப்பட்டது. நிகழ்ச்சி ஏற்பாடுகளை கோவில் ஸ்தாபகர் குரு கிருஷ்ணாநந்தாஜி செய்திருந்தார்.