மாரியம்மன் கோவில் திருவிழா கோலாகலம்

பனமரத்துப்பட்டி: மாரியம்மன் கோவில் விழாவில், ஏராளமான பக்தர்கள், சுவாமியை வழிபட்டனர். நாழிக்கல்பட்டி பெரிய மாரியம்மன் கோவில் திருவிழா முன்னிட்டு, நேற்று அதிகாலை, துர்க்கை அம்மன் கோவிலில் பொங்கல் வைத்து, சக்தி அழைத்தல் நிகழ்ச்சி நடந்தது. காலை, 11:00 மணிக்கு, 500க்கும் மேற்பட்ட பெண்கள், முக்கிய வீதிகள் வழியாக பால் குடம் எடுத்து வந்து, மாரியம்மனுக்கு அபி?ஷகம் செய்தனர். மதியம், மாரியம்மன் கோவில் வளாகத்தில் பெண்கள் பொங்கல் வைத்தனர். மாலையில், அலகு குத்தி பக்தர்கள் நேர்த்திக்கடன் செலுத்தினர். ஏராளமான பக்தர்கள், மாரியம்மனை வழிபட்டனர்.