நெல்லையில் மகாதேவ அஷ்டமி!

திருநெல்வேலி : மகாதேவ அஷ்டமியை முன்னிட்டு வண்ணார்பேட்டை பாரதி தீர்த்த மையத்தில் இன்று (18ம் தேதி) சிறப்பு பூஜைகள் நடக்கிறது. வண்ணார்பேட்டையில் மகாதேவ அஷ்டமியை முன்னிட்டு பாரதி தீர்த்த மையம் கோகுலம் கட்டடத்தில் காலை 7 மணிக்கு சிறப்பு பூஜைகள், விஷேச வழிபாடு நடக்கிறது. நெல்லை டவுன் சொக்கலிங்கம் பிள்ளை திருமண மண்டபத்தில் மகாதேவ அஷ்டமியை முன்னிட்டு காலை 9 மணிக்கு சிறப்பு பூஜை, விநாயகர் சன்னதியில் பூஜை, சிவ பூஜை மற்றும் வழிபாடுகள், அன்னதானம் நடக்கிறது. பாளை., கொட்டாரம் அக்ரஹாரத்தில் காலை 9 மணி முதல் சிவனுக்கு சிறப்பு பூஜைகள், அபிஷேகம், அலங்கார தீபாரானை, அன்னதானம் நடக்கிறது. பாளை., பெருமாள் கீழரதவீதி சீனிவாச மகாலில் மகாதேவ அஷ்டமியை முன்னிட்டு காலை 8.30 மணிக்கு சிறப்பு பூஜைகள் நடக்கிறது. ஏற்பாடுகளை ராமசுப்பிரமணியன், மகாதேவன் மற்றும் குழுவினர் செய்துள்ளனர்.