காரைக்குடி முத்துமாரியம்மன் கோயில் விழா நாளை தொடக்கம்

காரைக்குடி: காரைக்குடி மீனாட்சிபுரம் முத்துமாரியம்மன் கோயில் மாசி - பங்குனி விழா நாளை தொடங்குகிறது. காலை 5:45 மணிக்கு கொடியேற்றமும், அதனை தொடர்ந்து காப்பு கட்டுதல் நிகழ்ச்சியும் நடக்கிறது.முக்கிய நிகழ்ச்சியான பால்குடம் எடுத்தல், பூக்குழி இறங்கும் நிகழ்ச்சி வருகிற 21-ம் தேதி காலை 9:30 மணிக்கு நடக்கிறது. விழா நாட்களில் ஒவ்வொரு நாள் மாலை 6:30 மணிக்கு அம்பாளுக்கு சிறப்பு அபிசேகம் ஆராதனையும், இரவு கலை நிகழ்ச்சியும் நடக்கிறது.ஏற்பாடுகளை இணை ஆணையர் செந்தில்வேலவன் தலைமையில் உதவி ஆணையர் ராமசாமி, செயல் அலுவலர் அகிலாண்டேஸ்வர், கணக்கர் அழகு பாண்டி மற்றும் கோயில் பணியாளர்கள் செய்து வருகின்றனர்.