வெற்றி விநாயகர் கோவிலில் விநாயகர் சிலை விஜர்சனம்

மந்தாரக்குப்பம்: மந்தாரக்குப்பம் வெற்றி விநாயகர் கோவிலில் பிரதிஷ்டை செய்யப்பட்ட விநாயகர் சிலை விஜர்சனம் செய்யப்பட்டது. மந்தாரக்குப்பம் வெற்றி விநாயகர் கோவிலில் 25ம் ஆண்டு வெள்ளி விழாவையொட்டி கடந்த 13ம் தேதி விநாயகர் சிலை பிரதிஷ்டை செய்யப்பட்டு தினமும் பூஜை நடந்தது. தொடர்ந்து நேற்று முன்தினம் இரவு 7:00 மணியளவில் 1,008 கொழுக்கட்டை வைத்து சிறப்பு பூஜை நடத்தி ஊர்வலம் நடந்தது. பின்னர், பழைய நெய்வேலி பெருமாள் ஏரியில் விநாயகர் சிலை விஜர்சனம் செய்யப்பட்டது. விழா ஏற்பாடுகளை இந்து முன்னணி மற்றும் விழா கமிட்டியினர் செய்திருந்தனர்.