வால்பாறை கோவில்களில் விநாயகருக்கு பூஜை

வால்பாறை: வால்பாறை கோவில்களில் சங்கடஹர சதுர்த்தி பூஜை நடந்தது. வால்பாறை சுப்ரமணிய சுவாமி கோவிலில், ஆனி மாதம் சங்கடஹர சதுர்த்தி பூஜையையொட்டி விநாயகருக்கு, மாலை, 6:00 மணிக்கு சிறப்பு அபிஷேகமும், இரவு, 7:00 மணிக்கு சிறப்பு அலங்கார பூஜையும் நடந்தது. பூஜையில் சுமங்கலி பாக்கியம் ஏற்பட பெண்களுக்கு மஞ்சள் கயிறு வழங்கப்பட்டது. பூஜையில் கலந்து கொண்ட பக்தர்களுக்கு பிரசாதம் வழங்கப்பட்டது. வால்பாறை நகர் மற்றும் எஸ்டேட் பகுதியில் உள்ள பல்வேறு கோவில்களில், சங்கடஹர சதுர்த்தி நாளான நேற்று முன் தினம் மாலை விநாயகருக்கு சிறப்பு பூஜைகள் நடந்தன.