மதிப்புடன் வாழ்வோம்

* ஒருவன் தன் மனமறிந்து உண்மையாக வாழ முயல வேண்டும். இல்லாவிட்டால், அவமானமும், பாவமும் உண்டாவதைத் தவிர்க்க முடியாது.* பேச்சு ஒருவிதமாகவும், செயல் வேறொரு விதமாகவும் உடையவர்களின் நட்பை கனவில் கூட ஏற்கக்கூடாது.* நடந்ததை எண்ணி வருந்தக்கூடாது. 'போனது போகட்டும் இனிமேலாயினும் புத்தியாகப் பிழை மனமே' என்பது போல இனியாவது மதிப்புடன் வாழ வழி தேட வேண்டும். * ஒற்றுமையுணர்வுடன் இருக்கும் ஒவ்வொரு மனிதனும் புதிய வலிமையும், நன்மையும் அடைவான். * நம் தேசத்தை வெளிநாட்டார் பாமரதேசம் என்று நினைக்கும்படி செய்த குற்றம் நம்முடையது தான்.* இன்று செய்ய வேண்டிய வேலையை நாளை பார்த்து கொள்ளலாம் என்று தாமதப்படுத்தினால், அந்த செயல் நடக்காமல் போவதற்கு வாய்ப்புண்டாகும்.* எந்தச் செயலும் மனதில் தோன்றிய உடனேயே ஆயத்தப்பணிகளில் இறங்கி விட வேண்டும். தள்ளிப்போடுவதால் உற்சாகம் குறையும்.- பாரதியார்