சோள பாயாசம்!

தேவையான பொருட்கள்:மக்காச்சோள கதிர் - 3தேங்காய் பால் - 150 மி.லி.,நாட்டு சர்க்கரை - 150 கிராம்நிலக்கடலை, நெய், தண்ணீர், ஏலக்காய்துாள் - சிறிதளவு.செய்முறை: மக்காச்சோள பிஞ்சு கதிர்களை தேர்வு செய்து, ஆவியில் வேக வைத்து, உதிர்த்து, அரைக்கவும். இதை, சிறிதளவு தண்ணீர் கலந்து கொதிக்க வைக்கவும். நன்றாக கொதித்ததும் நாட்டு சர்க்கரை சேர்க்கவும்; பின், வறுத்த நிலக்கடலையை பொடியாக்கி, நெய்யில் வறுத்து போடவும். அத்துடன், தேங்காய் பால், ஏலக்காய்துாள் சேர்த்து கொதிக்க விடவும்.சுவைமிக்க, 'சோள பாயாசம்!' தயார். சிறுவர், சிறுமியர் விரும்பி பருகுவர். சத்துகள் நிறைந்தது; குடும்பத்தில் ஆரோக்கியம் வளரும்.- பி.வளர்மதி, சென்னை.