குதிரை மிட்டாய்!

சிறுவர்களுக்கு பிடித்தது லாலிபாப்; அனைத்து வயதினரும் விரும்பி உண்பர். இது, ஒருவகை சர்க்கரை மிட்டாய். குச்சியில் பொருத்தப்பட்ட இறுகிய சாக்லெட். இது, சுக்ரோஸ், சோளசிரப், பழச்சுவை கலந்த மிட்டாய். பட்டை, உருண்டை, ஸ்பைரல் என பல உருவங்களில் கிடைக்கும். இதில், ஐஸ் லாலிபாப், உறைந்த நீர் லாலிபாப், டயட் லாலிபாப், கோர்மைட் லாலிபாப் என, பலவகை உண்டு. உலகில், முதலில் லாலிபாப் உருவாக்கியவர் அமெரிக்காவை சேர்ந்த ஜார்ஜ் ஸ்மித். உண்மையில், 'லாலிபாப்' என்பது அவரது பந்தயக் குதிரையின் பெயர். அதன் மீதான ஈடுபாடு காரணமாக, சர்க்கரை மிட்டாய்க்கு அந்த பெயரை வைத்தார். இதை அமெரிக்கர்கள், 'சக்கர்' எனவும் அழைக்கின்றனர். ஐரோப்பா, ஆஸ்திரேலிய நாடுகளில், 'லாலி' என அழைக்கப்படுகிறது. பெரும்பாலும், 'கேண்டி' என அழைப்பர்; இதற்கு அரபு மொழியில், சர்க்கரை என்று பொருள்.உலகில் சிறந்த லாலிபாப்புகளாக, டாப்சாய்ஸ், கப்பா கப்ஸ், மோஸ்ட் சேவிங்ஸ், ரிங்டாப் ஹெல்தி ஆகியவை உள்ளன. விலை உயர்ந்தது, 'தி சுகர் சேர்' என்பதாகும். இதன் விலை, 25 ஆயிரம் ரூபாய்.சிறுவர்களுக்கு, லாலிபாப் தரும் போது, குச்சியை விழுங்கி விடாமல் பார்த்து கொள்ள வேண்டும். குச்சியை அகற்றி மிட்டாயை மட்டும் உடைத்து தருவது நல்லது.இதை நீண்ட நேரம் சப்பிச் சாப்பிட வேண்டியிருப்பதால், பல் எனாமல் கெட வாய்ப்பு உண்டு; மிட்டாயில் பொருத்தப்பட்ட குச்சியால், பல், ஈறு, நாக்குகளில் காயம் ஏற்படவும் வாய்ப்பு உண்டு. சர்க்கரை பற்களில் படிந்து கறை ஏற்படுத்தலாம். சாப்பிடும் போது கவனம் தேவை.தேசிய லாலிபாப் தினம், ஜூலை 20ல் கொண்டாடப்படுகிறது.- செல்வ கணபதி