வீ டூ லவ் சிறுவர்மலர்!

என் வயது, 73; தனியார் துறையில் பணியாற்றி ஓய்வு பெற்றவன்; என் தந்தை, நான், மகன், பேரன் என, நான்கு தலைமுறையாக தினமலர் நாளிதழுடன் பந்தம் உள்ளது.மகனுக்கு எழுத படிக்க கற்றுக் கொடுத்ததே சிறுவர்மலர் தான். பள்ளியில் தமிழ் படிக்கவில்லை; ஆங்கிலமும், ஹிந்தியும் தான் படித்தான்.தற்போது, பேரன்களுக்கும், சிறுவர்மலர் தான் தமிழ் ஆசான். சாப்பிட வைக்கவும், துாங்க வைக்கவும், கதைகள் உதவுகின்றன. சிறுவர்மலர் இதழில் வரும் கதைகளை, சிறிய பேரனுக்கு புரியும்படி எளிமையாக கூறுகிறேன். பெரிய பேரன், ஆறு வயதிலேயே, 'உங்கள் பக்கம்!' பகுதிக்கு ஓவியம் வரைந்து அனுப்பி, பரிசு வாங்கியுள்ளான். இதழை மிகவும் விரும்பி எழுத்துக் கூட்டி படிக்கிறான். மகாராஷ்டிர மாநிலம், புனேயில் வசிக்கின்றனர். பள்ளியில் தமிழ் வகுப்பு கிடையாது. சிறுவர்மலர் இதழே அவர்களுக்கு தமிழ் கற்பிக்கிறது.அங்குராசு, அறிவியல் கட்டுரை, மம்மீஸ் ஹெல்த்தி கிச்சன் என, எல்லாமே எனக்கு பிடித்த பகுதிகள். பெரியோரின் மூளைக்கு, 'புதிர்!' பகுதி வேலை தந்து, சுறுசுறுப்பாக்குகிறது. சினிமா, அரசியல் எதுவும் இல்லாமல், எண்ணற்ற வாசகர்களை ஈர்த்து, தமிழுக்கு தொண்டாற்றும் சிறுவர்மலர் இதழ் மேலும் வளரட்டும். பொழுதுபோக்க மட்டுமின்றி, நெறிப்படுத்தும் அற இதழாக உள்ளது!- டி.எம்.கணேசன், சென்னை.தொடர்புக்கு: 98405 67529