மாடி தோட்டத்தில் தாய்லாந்து ரக மாம்பழம்

மாடி தோட்டத்தில், தாய்லாந்து நாட்டின் தங்க நிற மாம்பழம் சாகுபடி குறித்து, செங்கல்பட்டு மாவட்டம், கூடுவாஞ்சேரி பகுதியைச் சேர்ந்த விவசாய பட்டயம் படித்த பி.கிருஷ்ணன் கூறியதாவது:கோடை வெயில் மற்றும் மழைக்கு ஏற்ற வாறு, குளிர் மற்றும் வறட்சியான பிரதேசங்க ளில் விளையும், பலவித பழ மரங்களை சாகுபடி செய்யலாம்.அந்த வரிசையில், தாய்லாந்து பகுதியில் விளையும், தங்க நிற மாம்பழம் சாகுபடிசெய்யலாம்.இவற்றை, மாடி தோட்டங்கள் மற்றும் விளை நிலங்களில் சாகுபடிசெய்யலாம். இது, பிற ரக மாம்பழங்களை போல இல்லாமல், இரு சீசன்களில் மகசூல் கொடுக்கும்.குறிப்பாக, தாய்லாந்து நாட்டின் தங்க நிற மாங்காய்கள் நீளமாகவும், பழம் தங்க நிறத்திலும் இருக்கும். ஒரு மாம்பழம், 300 கிராம் வரையில் எடை வரும். இது, பிற மாம் பழங்களைக் காட்டிலும்,அதிக சுவையுடன் இருக்கும். சந்தையில் அதிக விலைக்கு விற்பனை செய்யலாம்.இவ்வாறு அவர்கூறினார்.தொடர்புக்கு: பி.கிருஷ்ணன்,98419 86400.