மைசூரு - செகந்திராபாதுக்கு நவ., 1 வரை சிறப்பு ரயில்கள்

பெங்களூரு : 'தசரா, தீபாவளி, சாத் பண்டிகையை ஒட்டி, பயணியர் வசதிக்காக, மைசூரில் இருந்து செகந்திராபாதிற்கு நேற்று முதல் நவ., 1ம் தேதி வரை சிறப்பு ரயில் இயக்கப்படும்' என தென்மேற்கு ரயில்வே அறிவித்து உள்ளது. அறிக்கையில், 'ரயில் எண் 07033: செகந்தி ராபாத் - மைசூரு சிறப்பு ரயில், செப்., 1ம் தேதி முதல் அக்., 31ம் தேதி வரை திங்கள், வெள்ளிக்கிழமைகளில் செகந்திராபாத்தில் இருந்து இயங்கும். ஆனால், இம்மாதம் 29ம் தேதி மட்டும் இயங்காது. மறுமார்க்கத்தில் எண் 07034: மைசூரு - செகந்திராபாத் சிறப்பு ரயில், செப்., 2 முதல் நவ., 1ம் தேதி வரை செவ்வாய், சனிக்கிழமைகளில் மைசூரில் இருந்து இயங்கும். இந்த ரயில், இம்மாதம் 30ம் தேதி மட்டும் இயங்காது' என குறிப்பிடப்பட்டுள்ளது.