சிட்டி யூனியன் வங்கி லாபம் ரூ.306 கோடி

சென்னை:நடப்பு நிதியாண்டின் முதல் காலாண்டில், சிட்டி யூனியன் வங்கியின் நிகர லாபம் 16 சதவீதம் உயர்ந்து, 306 கோடி ரூபாயாக அதிகரித்து உள்ளது. கடந்த ஆண்டின் இதே காலத்தில் இது 264 கோடி ரூபாயாக இருந்தது. கும்பகோணத்தை தலைமையிடமா க கொண்ட சிட்டி யூனியன் வங்கி, 876 கிளைகளுடன் செயல்பட்டு வருகிறது. இதன் முதல் காலாண்டு முடிவுகளை அவ்வங்கியின் நிர்வாக இயக்குநர் காமகோடி நேற்று வெளியிட்டார். அதில், தெரிவிக்கப்பட்டுள்ளதாவது: முதல் மூன்று மாதங்களில் வங்கியின் வர்த்தகம் 1.20 லட்சம் கோடி ரூபாயாக அதிகரித்து உள்ளது. வங்கியின் நிகர வட்டி வருமானம் 625 கோடி ரூபாயாக உயர்ந்து உள்ளது. வங்கியின் நிகர வாராக்கடன் 1.20 சதவீதமாக குறைந்து உள்ளது. இவ்வாறு அதில் தெரிவிக்கப்பட்டுள்ளது.